________________ सो एस वंकओ चिय नय सयमयमारियाणमविसेसो / एवं पि भावियव् इह तित्थुच्छेयभीरूहिं // 320 // मुत्तूण लोगसन्नं उड्ढूण य साहुसमयसब्भावं / सम्म परियट्टियव्वं बुहेणमइनिउणबुद्धीए // 321 // कयमित्थ पसंगेणं ठाणाइसु जत्तसंगयाणं तु / हियमेयं विनेयं सदणुट्ठाणत्तणेण तहा // 322 // एयं च पीइभत्तागमाणुगं तह असंगयाजुत्तं / नेयं चउव्विहं खलु एसो चरमो हवइ जोगो // 323 // आलंबणं पि एयं रूविमरूवी य इत्थ परमु त्ति / तग्गुणपरिणइरूवो सुहुमो अनालंबणो नाम // 324 // एयम्मि मोहसागरतरणं सेढी य केवलं चेव / तत्तो अजोगजोगो कमेण परमं च निव्वाणं // 325 // ... // 18 ॥.केवलज्ञानविंशिका // केवलनाणमणंतं जीवसरूवं तयं निरावरणं / लोगालोगपगासगमेगविहं निच्चजोइ त्ति // 326 // मणपज्जवनाणंतो नाणस्स य दंसणस्स य विसेसे / केवलनाणं पुण दंसणं ति नाणं ति य समाणं // 327 // संभिन्नं पासंतो लोगमलोगं च सव्वओ नेयं / तं नत्थि जं न पासइ भूयं भव्वं भविस्सं च // 328 // भूअं भूअत्तेणं भव्वं पेएण तह भविस्सं च / पासइ भविस्सभावेण जं इमं नेयमेवं ति // 329 // नेयं च विसेसेणं विगमइ केणावि इहरथा नेयं / नेयं ति तओ चित्तं एयमिणं जुत्तिर्जुत्त ति // 330 // - 20
