________________ देसे सव्वे य तहा नियमेणेसो चरित्तिणो होइ / इयरस्स बीयमित्तं इत्तो च्चिय केइ इच्छंति // 308 // इक्किक्को य चउद्धा इत्थं पुण तत्तओ मुणेयव्वो। इच्छापवित्तिथिरसिद्धिभेयओ समयनीईए // 309 // तज्जुत्तकहा पीईइ संगयाऽविपरिणामिणी इच्छा / सव्वत्थुवसमसारं तप्पालणमो पवत्ती उ . // 310 // तह चेव एयबाहगचिंतारहियं थिरत्तणं नेयं / सव्वं परत्थसाहगरूवं पुण होइ सिद्धि त्ति . // 311 // एए य चित्तरूवा तहखओवसमजोगओ टुति / तस्स उ सद्धापीयाइजोगओ भव्वसत्ताणं // 312 // अणुकंपा निव्वेओ.संवेगो होइ तह य पसमु त्ति / एएसिं अणुभावा इच्छाईणं जहासंखें // 313 // एवं ठियम्मि तत्ते नाएण उ जोयणा इमा पयडा / चिइवंदणेण णेया नवरं तत्तन्नुणा सम्मं ... // 314 // अरहंतचेइयाणं करेमि उस्सग्ग एवमाईयं / सद्धाजुत्तस्स तहा होइ जहत्थं पयन्नाणं // 315 // एयं चत्थालंबणजोगवओ पायमविवरीयं तु / / इयरेसिं ठाणाइसु जत्तपराणं परं सेयं // 316 // इहरा कायवासियपायं अहवा महामुसावाओ। ता अणुरूवाणं चिय कायव्वो एयविनासो // 317 // जे देसविरइजुत्ता जम्हा इह वोसिरामि कायं ति / .. सुव्वइ विरईए इमं ता सव्वं चिंतियव्वमिणं // 318 // तित्थस्सुच्छेयाइ वि नालंबणमित्थ जं स एमेव / / सुत्तकिरियाइ नासो एसो असमंजसविहाणो / // 319 // 28
