________________ // 13 // भिक्षाविंशिका // भिक्खाविही उ नेओ इमस्स एसो महाणुभावस्स / बायालदोसपरिसुद्धपिंडगगहणं ति ते य इमे // 241 // सोलस उग्गमदोसा सोलस उप्पायणाइ दोसा उ / दस एसणाइ दोसा बायालीसं इय हवंति // 242 // आहाकम्मुद्देसिय पूईकम्मे य मीसजाए य / ठवणा पाहुडियाए पाओयरकीयपामिच्चे // 243 // परियट्टिए अभिहडे उब्भिन्ने मालोहडे इइ य / . अच्छिज्जे अनिसिढे अज्झोयरए य सोलसमे // 244 // धाईदूइ निमित्ते आजीव वणीमगे तिगिच्छा य / कोहे माणे माया लोभे य हवंति दस एए // 245 // पुव्विंपच्छासंथव विज्जा मंते य चुन्न जोगे य / उप्पायणाइ दोसा सोलसमे मूलकम्मे य . // 246 // संकिय मक्खिय निक्खित्त पिहिय साहरिय दायगुम्मीसे / अपरिणय लित्त छड्डिय एसणदोसा दस हवंति // 247 // एयद्दोसविमुक्को जईण पिंडो जिणेणऽणुन्नाओ / संजोयणाइरहिओ भोगो वि इमस्स कारणओ। // 248 // दव्वाईसंजोयणमिह बत्तीसाहिगं तु अपमाणं / रागेण सइंगालं दोसेण सधूमगं जाण // 249 // वेयण वेयावच्चे इरियट्ठाए य संजमट्ठाए / तह पाणवत्तियाए छटुं पुण धम्मचिंताए // 250 // वत्थंऽपाहाकम्माइदोसदुटुं विवज्जियव्वं तुः / दोसाण जहासंभवमेएसिं जोयणा नेया . // 251 // 22
