________________ सहसा य उट्ठिओ हं धणुअं घित्तूण सरसहस्सं च / तो भंडणमाढत्तं चोराण महंत भीसणयं . // 180 // सत्तट्ठदसदुवालस [ह]यं इक्केण सरपहारेणं / जत्तो वलामि तत्तो पेसेमि जमालयं चोरे // 181 // तो चोराण सयं मे मुहुत्तमित्तेण घाइयं तहियं / हयसेसा सयराहं पडिआ मज्झोवरि सव्वे // 182 // तो मं खंडाखंडिं काउं सीसं च छिण्णिउं मज्झ / बयरीए ठविऊणं मुसिऊण घरं गया चोरा. // 183 सरुहिर-सकुंडलं. चिय सीसं मे बयरितरुवरारूढं / वीसत्थमणुव्विग्गं खायइ बोरे कसकसस्स // 184 // तं सीसं सूरुदए दिटुं लोएण बयरिउवरिम्मि / बयराइं खायंतं एस सजीओ त्ति काऊण // 185 // मज्झं अंगोवंगा जणेण पिंडे वि मेलिआ तुरिअं। जाओ पुणो वि तोऽहं णिरुवहयसरीरलायण्णो // 186 // एयं मे अणुभूअं सयमेव इमम्मि माणुसे लोए / जो पुण ण पत्तिअइ मं धुत्ताणं देउ सो भुति // 187 // भणइ संसो सब्भूअं कह सक्का भाणिऊ(उ) अलिअमेअं / जं पोराणसुईए भारह-रामायणे आयं // 188 // जमयग्गी आसि रिसी पत्ती तस्सासि रेणुआ ‘णामं / तीए सीलवईए णमंति कुसुमत्थिए रुक्खा // 189 / / दिट्ठो अणाइ राया अस्सावहिओ मणोअ से खुहिओं / ण णमंति. तओ रुक्खा ताहे जमयग्गिणा रामो // 190 // रुद्रुण समाणत्तो सीसं छिंदाहि दुट्ठसीलाए / तेण वि सीसं छिण्णं झड त्ति पिउवयणकारेण // 191 // 281
