________________ चितेइ य हणुअंतो अहो गिरी एस उण्णओऽतीव / इत्थारुहिऊण अहं पुलएमि समंतओ वसुहं // 159 // संलत्तो अ खगेणं कोऽसि तुमं एरिसेण वेसेण / सो भणइ रामदूओ अहं ति सीआ (अं?) गवेसामि // 160 // भणिओ जडाउणा सो रामवहू रामणेण विलवंती / तेलुक्कडामरेणं लंकापुरपट्टणं णीआ // 161 // मा भमसु अरण्णाइं सीआदेवीइ मग्गणट्ठाए / दहरहसुअस्स सिग्धं गंतूण पिअं णिवेएहि // 162 // अहमवि सीअट्ठाए जुझंतो णिसिअराहिवेणेवं / असिणा दुवे वि पंखे छित्तूण अजंगमो मुक्को // 163 // अह भणइ वाउपुत्तो जं सि ठिओ रामणस्स जुज्झेण / जं वा वि अम्ह कहिअं होहि त्ति तुमं पि पिअभागी // 164 // सोऊण दूअवयणं तो से जाया पुणण्णवा पंखा / आयासेणुप्पइओ गओ अ सग्गं णिरुवसग्गं . // 165 // आख्यास्यति खगः स्वर्गे पितुर्दशरथस्य मे / एकस्त्रीपरिपाल्येऽपि न रामः शक्तुमर्हति // 166 // मंदरसिहरागारो जइ आसि जडाउ खहयरो गिद्धो / ता कह ण होइ ढिंकी कंडरिअ ! महप्पमाणाओ // 167 // एलासाढेणेवं कंडरिओ जंपिओ भणइ ताहे / एलासाढ ! इयाणि कहेहिं जं ते समणुभूअं // 168 // 27.
