________________ लग्गो वालग्गंते हत्थी अहयं च णिग्गओ कह णु / जं भणसि तं सुणिज्जसु पुराणसुइआगयं वयणं // 53 // विण्हू जगस्स कत्ता सो किर एगण्णवम्मि लोगम्मि / आगासभूमिमारूअतसथावरजलणरहियम्मि ण?णरासुरतिरिए ताराससिसूरविरहिआलोए / तप्पइ तवं अणंतो जलसयणगओ अचिंतप्पा . // 55 // तस्स किर पंकयत्थी बंभो णाहीइ पउमगब्भाओ। दंडकमंडलुहत्थो विणिग्गओ पंकयं लग्गं . . // 56 // एवं कमंडलुगीवाइ णिग्गओ जइ तुमं गयसमं पि।... हत्थी वालग्गंते लग्गो तो इत्थ किमजुत्तं // 57 // जं पि अ भणसि गुणागर कुंडियगीवाइ णिग्गओ किमहं / भारहपसिद्धमित्थ वि वयणं सुण पंच्चयणिमित्तं // 58 // दिव्वं वाससहस्सं बंभाणो तप्पई तवं रण्णे / तो खुहिआ तिअसगणा भणंति कह हुज्ज से विग्धं // 59 // तो भणइ सुरवरिंदो थीलोलो पसुवई विवाहम्मि / अग्गीकम्मणिउत्तो दट्टण उमं ल्हसियचेलं खुहिओ बीअनिसग्गं करेइ विहुणइ णियंसणं ताहे। पडिअं बीअं कलसे दोणायरिओ समुप्पन्नो. // 61 // एरिसिअइत्थिआहिं एसो खुब्भिज्ज रूवकलिआहिं / को इत्थीहिं न खुहिओ मुत्तूण जिणं महावीरं // 2 // गोअम-विसिट्ठ-पारासुरो अ जमयग्गि-कासवो-ऽगत्थी / अहयं च सुराहिवई हरो हरी तिहुअणवरिट्ठा // 63 // अण्णे वि एवमाई तवसत्तणिही जयम्मि विक्खाया। वम्महबाणाभिहया इत्थीहिं कराविआ आणं . // 64 // 200.
