________________ // 44 // अण्णं च इमं सुव्वइ रिसिणा वासेण भारहेऽभिहिअं। . जह वेणुपव्वमझे कीअगभाइअसयं जायं / // 41 // कीओ वंसो भण्णई तहिं जाया कीअग त्ति भण्णंति / कह तेसि उप्पत्ती विराडरायग्गमहिसीए // 42 // तीए वि णत्थि पुत्तो तो सा रिसिआसमम्मि रिसिमिक्कं / आराहिउं पयत्ता तेण वि सो साहिओ चरुओ // 43 // भणिआ तेण य रिसिणा एअं चरुअं कुडंगम्मि / भुंजाहि पहिट्ठमणा होही ते तत्थ पुत्तसयं सा तं परिभुत्तुं जे वंसकुडंगम्मि तो गया सगिहं / कस्सइ कालस्स तहिं गग्गलिणामो रिसिवरु त्ति // 45 // वंसीजालपविट्ठो चरइ तवं णवरि तत्थ पउमसरे / अच्छरसा पहायंती रिसिणा दिट्ठा विगयवस्था // 46 // खुहियस्स सुक्कबिंदुं पडिअं णालीइ कीअगो पढमो / णवणायसहस्सबलो संजाओं पढमबिंदुम्मि . // 47 // जह जह णि ज्झाइ मुणी अच्छरसं पवररूवलावण्णं / तह तह खिरइ अ बीअं जायं तहिं कीअगाण सयं // 48 // वंसीणालीओ रिसी णिक्खिविउं णिययमालयं पत्तो / सु च्चिय वंसकुडंगो राया रक्खावए णिच्चं // 49 // संजायसव्वगत्ता गहिआ देवीइ तुट्ठमणसाए / तं तीए पुर्तसयं भण्णइ णालीसमुप्पन्नं / // 50 // जइ वंससमुप्पन्नं भायसयं कीअगाण माइ तहि / तो कह कमंडलुम्मी ण मासि तं वणगयसमग्गो // 51 // वाससहस्सं गंगा जडासु वामोहिआ जइ हरेणं / छम्मासं कुंडिआए विमोहिओ वणगओ सच्चं // 52 // . . . 2%e
