________________ एवंविहो य एसो तहाखओवसमभावओ होइ / नियमेण खीणवाही नरु व्व तव्वेयणारहिओ // 115 // पढमाणुदयाभावो एयस्स जओ भवे कसायाणं / ता कहमेसो एवं ? भन्नइ तव्विसयविक्खाए // 116 // निच्छयसम्मत्तं वाऽहिकिच्च सुत्तभणिय निउणरूवं तु / एवंविहो निओगो होइ इमो हंत वच्चु त्ति // 117 // पच्छाणुपुब्विओ पुण गुणाणमेएसि होइ लाहकमो / पाहन्नओ उ एवं विनेओ सिं उवन्नासो // 118 // एसो उ भावधम्मो धारेइ भवन्नवे विवडमाणं / जम्हा जीवं नियमा अन्नो उ भवं(तयं)गभावेणं // 119 // दाणाइया उ एयम्मि चेव सुद्धा उ हुँति किरियाओ / / एयाओ वि हु जम्हा मुक्खफलाओ पराओ य // 120 // // 7 // दानविंशिका // दाणं च होइ तिविहं नाणाभयधम्मुवग्गहकरं च / इत्थ पढमं पसत्थं विहिणा जुग्गाण धम्मम्मि // 121 // सेवियगुरुकुलवासो विसुद्धवयणोऽणुमन्निओ गुरुणा / सव्वत्थ णिच्छियमई दाया नाणस्स विनेओ // 122 // सुस्सूसासंजुत्तो विन्नेओ गाहगो वि एयस्स / नं सिराऽभावे खणणाउ चेव कूवे जलं होइ // 123 // ओहेण वि उवएसो आयरिएणं विभागसो देओ / सामाइधम्मजणओ महुरगिराए विणीयस्स // 124 // अंविणीयमाणवंतो किलिस्सई भासई मुसं चेव / / नाउं घंटालोहं को किर (कड) करणे पवत्तिज्जा ? // 125 // 11
