________________ विपरीतप्रकाशश्च ध्रुवमापद्यते क्वचित् / तथाहीन्दीवरे दीपः प्रकाशयति रक्तताम् // 65 // तस्मान्न चाविशेषेण प्रतीतिरुपजायते / संकेतसव्यपेक्षत्वे स्वत एवेत्ययुक्तिमत् // 66 // साधुर्न वेति संकेतो न चाशङ्का निवर्तते / तद्वैचित्र्योपलब्धेश्च स्वाशयाभिनिवेशतः // 67 // व्याख्याप्यपौरुषेयस्य मानाभावान्न संगता / मिथो विरुद्धभावाच्च तत्साधुत्वाद्यनिश्चितेः // 68. // नान्यप्रमाणसंवादात्तत्साधुत्वविनिश्चयः / . सोऽतीन्द्रिये न यन्न्याय्यस्तत्तद्भावविरोधतः // 69 // तस्माद्व्याख्यानमस्येदं स्वाभिप्रायनिवेदनम् / ... जैमिन्यादेर्न तुल्यं किं वचनेनापरेण च // 70 // एष स्थाणुरयं मार्ग इति वक्तीह कश्चन / अन्यः स्वयं ब्रवीमीति तयोर्भेदः परीक्ष्यताम् // 71 // न चाप्यपौरुषेयोऽसौ घटते सूपपत्तितः / . वक्तृव्यापारवैकल्ये तच्छब्दानुपलब्धितः // 72 // वक्तृव्यापारभावेऽपि तद्भावे लौकिकं न किम् / अपौरुषेयमिष्टं वो वचो द्रव्यव्यपेक्षया // 73 // दृश्यमानेऽपि चाशङ्का दृश्यकर्तृसमुद्भवा / नातीन्द्रियार्थद्रष्टमन्तरेण निवर्तते पापादत्रेदृशी बुद्धिर्न पुण्यादिति न प्रमा / न लोको हि विगानत्वात्तद्बहुत्वाद्यनिश्चितेः . // 75 // बहूनामपि संमोहभावान्मिथ्याप्रवर्तनात् / . . मानसंख्याविरोधाच्च कथमित्थमिदं ननु . // 76 // 186 // 74 //
