________________ // 53 // // 54 // // 55 // // 56 // // 57 // // 58 // हृद्गताशेषसंशीतिनिर्णयात्तद्ग्रहे पुनः / उपमान्यग्रहे तत्र न चान्यत्रापि चान्यथा शास्त्रादतीन्द्रियगतेरापत्त्यापि गम्यते / अन्यथा तत्र नाश्वासश्छद्मस्थस्योपजायते प्रमाणपञ्चकावृत्तिरेवं तत्र न युज्यते / तथाप्यभावप्रामाण्यमिति ध्यान्ध्यविजृम्भितम् वेदाद्धर्मादिसंस्थापि हन्तातीन्द्रियदर्शनम् / विहाय गम्यते सम्यक्कुत एतद्विचिन्त्यताम् न वृद्धसंप्रदायेन च्छिन्नमूलत्वयोगतः / न चार्वाग्दर्शिना तस्यातीन्द्रियार्थोऽवसीयते प्रामाण्यं रूपविषये संप्रदाये न युक्तिमत् / यथानादिमदन्धानां तथात्रापि निरूप्यताम् न लौकिकपदार्थेन तत्पदार्थस्य तुल्यता / निश्चेतुं पार्यतेऽन्यत्र तद्विपर्ययभावतः नित्यत्वापौरुषेयत्वाद्यस्ति किञ्चिदलौकिकम् / तत्रान्यत्राप्यतः शङ्का विदुषो न निवर्तते तन्निवृत्तौ न चोपायो विनातीन्द्रियवेदिनम् / एवं च कृत्वा साध्वेतत्कीर्तितं धर्मकीर्तिना स्वयं रागादिमान्नार्थं वेत्ति वेदस्य नान्यतः / न वेदयति वेदोऽपि वेदार्थस्य कुतो गति: तेनाग्निहोत्रं जुहुयात्स्वर्गकाम इति श्रुतौ / खादेत्स्वमांसमित्येष नार्थ इत्यत्र का प्रमा प्रदीपादिवदिष्टश्चेत्तच्छब्दोऽर्थप्रकाशकः / स्वत एव प्रमाणं न किञ्चिदत्रापि विद्यते 185 // 59 // // 60 // // 61 // // 62 // // 63 // // 64 //
