________________ गुर्वादिविनयरहितस्य यस्तु मिथ्यात्वदोषतो वचनात् / दीप इव मण्डलगतो बोधः स विपर्ययः पापः // 172 // दण्डीखण्डनिवसनं भस्मादिविभूषितं सतां शोच्यम् / पश्यत्यात्मानमलं ग्रही नरेन्द्रादपि ह्यधिकम् // 173 // मोहविकारसमेतः पश्यत्यात्मानमेवमकृतार्थम् / तद्व्यत्ययलिङ्गरतं कृतार्थमिति तद्ग्रहादेव // 174 // सम्यग्दर्शनयोगाज्ज्ञानं तद् ग्रन्थिभेदतः परमम् / सोऽपूर्वकरणतः स्याज्ज्ञेयं लोकोत्तरं तच्च // 175 // लोकोत्तरस्य तस्मान्महानुभावस्य शान्तचित्तस्य / .. औचित्यवतो ज्ञानं शेषस्य विपर्ययो ज्ञेयः // 176 // 12 - दीक्षाधिकारी अस्मिन्सति दीक्षाया अधिकारी तत्त्वतो भवति सत्त्वः / इतरस्य पुनर्दीक्षा वसन्तनृपसन्निभा ज्ञेया / // 177 // श्रेयोदानादशिवक्षपणाच्च सतां मतेह दीक्षेति / सा ज्ञानिनो नियोगाद् यथोदितस्यैव साध्वीति // 178 // यो निरनुबन्धदोषाच्छ्राद्धोऽनाभोगवान् वृजिनभीरुः / गुरुभक्तो ग्रहरहित: सोऽपि ज्ञान्येव तत्फलतः // 179 // चक्षुष्मानेकः स्यादन्धोऽन्यस्तन्मतानुवृत्तिपरः / गन्तारौ गन्तव्यं प्राप्नुत एतौ युगपदेव // 180 // यस्यास्ति सक्रियायामित्थं सामर्थ्ययोग्यताऽविकला ! गुरुभावप्रतिबन्धाद्दीक्षोचित एव सोऽपि किल . // 181 // देयाऽस्मै विधिपूर्वं सम्यक्तन्त्रानुसारतो दीक्षा / . . निर्वाणबीजमेषेत्यनिष्टफलदाऽन्यथाऽत्यन्तम् . // 182 // // 180 // 112
