________________ // 246 // अभव्येषु च भूतार्था यदसौ नोपपद्यते / तत्तेषामेव दौर्गुण्यं ज्ञेयं भगवतो न तु दृष्टश्चाभ्युदये भानो: प्रकृत्या क्लिष्टकर्मणाम् / अप्रकाशो ह्युलूकानां तद्वदत्रापि भाव्यताम् इयं च नियमाज्ज्ञेया तथानन्दाय देहिनाम् / तदात्वे वर्तमानेऽपि भव्यानां शुद्धचेतसाम् // 247 // // 248 // ... // सिद्धस्वरूपाष्टकम् // 32 // कृत्स्नकर्मक्षयान्मोक्षो जन्ममृत्यादिवर्जितः / सर्वबाधाविनिर्मुक्त एकान्तसुखसंगतः // 249 // यन्न दुःखेन संभिन्नं न च भ्रष्टमनन्तरम् / . अभिलाषापनीतं यत्तज्ज्ञेयं परमं पदम् // 250 // कश्चिदाहान्नपानादिभोगाभावादसंगतम् / सुखं वै सिद्धिनाथानां प्रष्टव्यः स पुमानिदम् // 251 // किंफलोऽन्नादिसंभोगो बुभुक्षादिनिवृत्तये / तन्निवृत्तेः फलं किं स्यात्स्वास्थ्यं तेषां तु तत्सदा // 252 // अस्वस्थस्यैव भैषज्यं स्वस्थस्य तु न दीयते / अवाप्तस्वास्थ्यकोटीनां भोगोऽन्नादेरपार्थकः // 253 // अकिंचित्करकं ज्ञेयं मोहाभावाद्रताद्यपि / तेषां कण्ड्वाद्यभावेन हन्त कण्डूयनादिवत् // 254 // अपरायत्तमौत्सुक्यरहितं निष्प्रतिक्रियम् / सुखं स्वाभाविकं तत्र नित्यं भयविवर्जितम् // 255 // परमानन्दरूपं तद्गीयतेऽन्यैर्विचक्षणैः / इत्थं सकलकल्याणरूपत्वात्साम्प्रतं ह्यदः // 256 // 65
