________________ // 214 // इत्थमाशयभेदेन नातोऽधिकरणं मतम् / . अपि त्वन्यद्गुणस्थानं गुणान्तरनिबन्धनम् ये तु दानं प्रशंसन्तीत्यादि सूत्रं तु यत्स्मृतम् / अवस्थाभेदविषयं द्रष्टव्यं तन्महात्मभिः एवं न कश्चिदस्यार्थस्तत्त्वतोऽस्मात्प्रसिध्यति / . अपूर्वः किं तु तत्पूर्वमेवं कर्म प्रहीयते // 215 // // 216 // // राज्यादिदानदूषणनिवारणाष्टकम् // 28 // अन्यस्त्वाहास्य राज्यादिप्रदाने दोष एव नु / महाधिकरणत्वेन तत्त्वमार्गेऽविचक्षणः // 217 // अप्रदाने हि राज्यस्य नायकाभावतो जनाः / मिथो वै कालदोषेण मर्यादाभेदकारिणः // 218 // विनश्यन्त्यधिकं यस्मादिह लोके परत्र च / शक्तौ सत्यामुपेक्षा च युज्यते न महात्मनः . // 219 // तस्मात्तदुपकाराय तत्प्रदानं गुणावहम् / परार्थदीक्षितस्यास्य विशेषेण जगद्गुरोः // 220 // एवं विवाहधर्मादौ तथा शिल्पनिरूपणे / न दोषो घुत्तमं पुण्यमित्थमेव विपच्यते // 221 // किं चेहाधिकदोषेभ्यः सत्त्वानां रक्षणं तु यत् / उपकारस्तदेवैषां प्रवृत्त्यङ्गं तथास्य च // 222 // नागादे रक्षणं यद्वद्गर्ताद्याकर्षणेन तु / कुर्वन्न दोषवांस्तद्वदन्यथासंभवादयम् // 223 // इत्थं चैतदिहैष्टव्यमन्यथा देशनाप्यलम् / .. कुधर्मादिनिमित्तत्वाद्दोषायैव प्रसज्यते // 224 //
