Page Text
________________ उसहप्पहुणो वेरग्ग विंडंबिय-इंदधणुहं मालं गंठिऊण दाऊण य पियं परितोसेइ / को वि पियाए सलीलं पक्खित्तं पुप्फगेंदुआं किंकरो पसायं पिव हत्थेहिं पडिच्छइ / काओ मिगलोयणाओ दोलाअंदोलणेण गमणागमणाई कुणंतीओ सावराहे पइणो इव पाएहिं पायव-अग्गे हणेइरे / कावि दोलारूढा नवोढा पियनामं पुच्छंतीणं सहीजणाणं लज्जियाणणा लयाघाए सहेइ / को वि संमुहत्थिय-कायरनयणाए सद्धिं दोलारूढो तीए गाढालिंगणिच्छाए दोलं गाढं अंदोलेइ / के वि जुवाणा उज्जाणरुक्खेसुं पडिसाहं लंबमाणदोला-अंदोलणलीलाए पवंगा इव रेहिरे / उसहप्पहुणो वेरग्गं___ अह तत्य उजाणे एवं खेलिज्जमाणेसुं पउरजणेसुं सामी झाएइ--अन्नहिं कत्य वि एरिसा कीला दिट्ठा किं ? / अह सामी ओहिनाणेण सयं च भुत्तपुव्वं उत्तरुत्तरं अणुत्तरदेवलोगसुहाज्जतं सग्गसुहं परिजाणेइ। भुजो वि विगलंतमोहबंधणो सामी चिंतेइ- विसयवामूढो एसो जणो अप्पणो हियं न जाणेइ, तस्स घिरत्यु। अहो ! एयंमि संसारकूमि जीवा कम्मेहिं अरहघडीनाएणं गमणागमणकिरियं कुणंति / धि द्धी ताणं मोहंधमणाणं पाणीणं, जाणं इमं जम्मं सुत्ताणं रयणीव सचहा वि मुहच्चिय गच्छेइ / एए रागदोसमोहा जीवाणं उदयंतं धम्म मूसगा पायवं व मूलाओ केत्तेति / अहो ! मूढेहिं कोहो नग्गोहरुक्खो इव वढिजइ, किंतु सो 'नियवुड्ढिपावगं पि मूलाओ भक्खेइ / गयारूढा हत्थिपगा इव माणारूढा मज्जायालंघिणो इमे माणवा किंचि विन गणेति / कवियच्छबीय-कोसिमिव उवतावकारिणिं मायं दुरासया इमे सरीरिणो निच्चं न चयंति / / खारोदगेण दुद्धं इव, अंजणेण सियवसणमिव एगेणं लोहेणं निम्मलो बि गुणग्गामो दूसिज्जइ / जओ उत्तं रतिधा य दियंधा, जायंधा माय-माण-कोवंधा। कामंधा लोहंधा, कमेण एए विसेसंधा // भव-कारागारंमि चउरो कसाया जामिगा इव णेया / जाव पासत्थिा ते जागरंति ताव नराणं कत्तो मोक्खो ?, भूयगहिया इव अंगणाऽऽलिंगणवाउला देहिणो समंती झिज्जमाणं पि आउ न जाणेइरे / ओसढेहिं सिंहारुगं पिव तेहिं तेहिं विविहेहिं आहारेहि अप्पणा अप्पणो अण?कए उम्माओ कुणिज्जइ / इमं सुगंधि कि अग्याएमि, इमं सुगंधि किं अग्घाएमि त्ति ? सुगंधमूढो लोगो भसलो ब्व भमंतो 1 कृन्तन्ति-छिन्दन्ति / 2 निजवृद्धिप्रापकम् / 3 उन्मादः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |