________________ 76 सिरिउसहनाहचरिए जाउ रई न लहइ / कीलणगेहिं बालं इव लोगो आवायरमणिज्जेहिं सुंदरीपमुहवस्थूहि अप्पाणं पयारेइ / सत्थाणुचिंतणाओ निदालू इव वेणु-वीणाइ-सद्देसु निरंतरं दिण्णकण्णो नियलाहाओ भंसेइ / वाय-पित्त-सिलिम्हेहिं पिव जुगवं पबलवंतेहि विसएहिं देहीणं चेयणा लुपिज्जइ, धिरत्थु ताणं, एवं असारसंसारवेरग्गचिंतातंतूहि निस्सिविय-माणसो परमेसरो जाव होत्था, ताव बंभलोगंत-वासिणो सारस्सयपमुहा नव लोगंतियदेवा जगपहुणो पायाणं अंतिए समागच्छंति ते इमेलोगंतियदेवाणं धम्मतित्थपवट्टणटं विण्णत्ती सारस्सय-माइच्चा, वन्ही वरुणा य गद्दतोया य / तुसिया अव्वाबाहा, मरुआ तह चेव रिहा य // मत्थए पउम-कोससरिसेहिं निबद्धंजलीहिं अवरकयाभूसणा इव ते लोगंतिय . देवा एवं विष्णविति / सक्क-चूडामणिपहा-जलमग्गपयंबुय ! / भरहखेत्तनिण्णह-मोक्खमग्गपदीवग ! // 1 // लोगववत्था पढमा, जहा नाह ! पवटिया / पवत्तेसु तहा धम्म-तित्थं किच्चं नियं सर // 2 // एवं ते लोगंतियदेवा पहुं विण्णविऊण देवलोगम्मि नियबंभलोगहाणे गया। पव्वज्जगहणाहिलासी सामी वि नंदणुज्जाणमझाओ सज्जो नियं पासायं समागओ। जम्म-ववहार-रज्ज-हिइ-वेरग्गाइ-दसणसरूवो / एवं पहुणो पुण्णो, एसो घोओ वि उद्देसो // इअ सिरितवागच्छाहिवइ-सिरिकयंबप्पमुहाणेगतित्थोद्धारग-सासणप्पहावग-आबालबंभयारि-सूरीससेहर-आयरिय-विजयनेमिसूरीसर-पट्टालंकार-समयण्णु-संतमुत्ति वच्छल्लवारिहि-आइरिस-विजयविण्णाणसूरीसर-पट्टधरे-सिद्धंतमहोदहि-पाइअभासाविसारय विजयकत्थूरसूरिविरइए महापुरिसचरिए पढमवग्गे सिरिउसहपहुजम्म ववहार-रज्ज-टिइ-वेरग्गाइसरूवो बिइओ उद्देसो समत्तो॥ 1 जातु-कदाचित् / 2 निःस्यूतमानसः / 3 अग्गी तह चेव रिहा यत्ति संगहणीए / ..
