Page Text
________________ www 72 सिरिउसहनाहचरिए सामिणो पासंमि समागंतूण कहेंति-हे सामि ! 'बुहुक्खिो एसो अम्हाणं किंचि वि न देइ उयरंभरीव एगो खित्ताओ सव्वाओ ओसहीओ भक्खेइ / तयाणि पहू वि गयखंघाधिरूढो होत्था, स तेहिं अल्लगं मट्टियापिंडं आणावेइ / सिंधुरकुम्भथलंमि मट्टियापिंडं ठविऊण हत्थेण वित्यारित्ता भायणं निम्मवेइ / एवं सिप्पाणं पढम कुंभगारसिप्पं पहुणा ताणं पयंसियं / सामी वएइ-'एवं अवराई पि भायणाई निम्मविऊण, अग्गिणो उवरि ताई विष्णसिऊण, तहिं ओसहीओ पयावेह, तो पच्छा खाएह' / ते वि सामिसासणाणुसारेण तहेव कुणंति / तयाइओ कुम्भगारा पदमसिप्पिणो संजाया / जगवइणो सिप्पकलाइपयंसणं जगप्पहू गेहाइनिम्मवणत्यं वैड्ढइ-अयगारे निम्मवेइ, महापुरिसाणं 'सिडीओ हि विस्सस्स सुहसंपायणटुं चिय सिया / लोगाणं विविहचित्तकम्मकीलाविणोयर्टी गिहाइचित्तकम्मकरणाय स पहू चित्तगरे निम्मवेइ / लोगाणं वत्थनिम्मवणटुं कुविंदे कप्पेइ, तया हि सबकप्पदुमथाणे पहू च्चिय कप्पदुमो / लोमाणं नहाणं च वुड्ढीए अच्चंतं बाहिज्जमाणे लोगे जगपिया पहाविए कप्पेइ / एवं एयाई पंच वि सिप्पाई पत्तेगं वीसइभेयओ भिण्णाई सिप्पाणं सयं लोगम्मि सरियाणं पवाहा इव पसरिअं, तह य तिणहार-कटहार-किसि-वाणिज्जाई पि कम्माइं लोगाणं आजीविगानिमित्तं दंसियाइं / जगववत्थानयरी-चउपह-सरिसं साम-दाण-भेय-दंडनीइचउक्कं कप्पेइ / सो पहू बावत्तरिकलाओ भरहं सिक्खावेइ, सोवि भरहो नियभायरे पुत्ते अन्ने य वि सम्मं अज्झयावेइ, सुपत्तम्मि हि दिण्णा विज्जा सयसाहा होइ / 'नाभिनंदणो बाहुबलिं हस्थि-तुरग-इत्थि-पुरिसाणं बहुसो भिज्जमाणाई लक्खणाई च विण्णवेइ, बंभीए अट्ठारस लिवीओ दाहिणहत्थेण, सुंदरीए पुणो 'सव्वेण पाणिणा गणियं दंसेइ / सयलवत्थुगय-माणु-म्माण-अवमाण-पडिमाणाई, तह य मणिपमुहाणं पोयणविहिं च पयट्टावेइ / वाइ-पइवाईणं सामिणा आइट्ठो ववहारो राय-पहाण-कुलगुरुसक्खीहिं सह संजायइ / नागाईणं अच्चणं धणुहवेयकला चिगिच्छासत्थं जुद्धकला अत्थुवायसत्थं बंधवह-घाय-गोट्ठीओ य तओ होत्था। तो आरंभिऊण जणाणं इयं मे माया, अयं मम पियो भाया य, इमी मह भज्जा, इमं च मे घरं धणं ति ममया समुप्पण्णा / विवाहपसंगे पहुं वत्थेण पसाहियं अलंकारेहिं अलंकियं च दट्टणं लोगो वि 1 बुभुक्षितः / 2 वर्द्धक्ययस्कारान्-तक्ष-लोहकारान् 3 सृष्टयः-उत्पत्तयः / 4 नापितान् / 5 अध्यापयति / 6 सव्येन-वामेन /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |