Page Text
________________ अग्गिणो उप्पत्ति / सो पहू असाहुसासणे साहुपालणे य कुसले मंतिणो नियाई अंगाई पिव निउंजेइ, जिणस्स रज्जंगसंगहो तह उसहलंछणो सो चोरिक्काइरक्खणे दक्खे आरक्खगे वि इंदो लोगपाले इव विहेइ / देहस्स उत्तमंग इव सेणाए उक्किट्ठमंगमिव रज्जढिइहेउं हत्थिणो सो गिण्हेइ / स उसहज्झओ आइच्चतुरग-फद्धाए इव उद्धरकंधरे बंधुरे तुरंगे धरेइ / नाभिनंदणो सुसिलिटुकघडिए रहे भूमिथिआई विमाणाई इव निम्मवेइ / स नाभिसुण निगचावटिभवे इव 'सुपरिक्खिअविरियाणं पाइक्काणं च परिग्गरं कुणेइ, तह तत्थ नविअमहारज्जपासायस्स थंभे इव महाबलवंते सेणाहिवइणो ठवेइ, तदुवओगकुसलो जगवई गावी-वसह-करह- महिस-आसयर-पमुहं संगिण्हेइ / तया कप्पतरूमुं समुच्छिण्णेसु जणा कंदमूलफलाई भुंजंति / तह य तिणव्व सयं चिय समुप्पण्णाओ सालि-गोहूम-चणग-मुग्गपमुहाओ ओसहीओ अपक्काओ खायंति / तंमि आहारे अजीरमाणे तेहिं जुगलियनरेहिं विष्णविओ विहू वएइ-'हत्थेहि ताओ मदिऊण तयं च अवणीअ अडणाखाएह' तं च सोच्चा जगपहुणो उवएसाणुसारओ तहा भुंजमाणाणं पि ओसहीणं कढिणभावाओ सो वि आहारो न जीरइ / पुणोवि तेहिं विण्णत्तो सामी कहेइ-ताओ हत्थेहिं संघंसिऊण जलेहि तिमिऊण पत्तपुडंमि धरिऊण खाएह / ते तह कुणंति, तहवि अजिण्णाहारवेयणा तारिसा होइ, तओ तेहिं विणतो जगणाहो एवं आदिसेइ-'पुब्बकहियविहिं किच्चा तओ ओसहीओ मुट्ठीए आयवंमि कक्खासु य खिवित्ता तहा मुहं भक्खेह' / अग्गिणो उप्पत्ती तत्थ वि अजिण्णाहारेण पीलिएसु जणेसु, अह मिहो साहा,सणाओ तरुखंडम्मि अग्गी उढिओ / तिणकट्ठाई डहंतं तं दट्टणं दिप्पमाणरयणभमेण ते मिहुणगनरा धावित्ता हत्थेहिं घेत्तु पारंभेइरे / तेण अग्गिणा डज्झमाणा ते भीया समाणा पहुं उवेच्चा 'कि पि नूयणं अच्चब्भुयं भूयं समुप्पणं' ति निवेयंति / सामी वएइ-'निद्धरुक्खकालजोगेण अग्गी पयडिओ अत्थि, एगंतरुक्खकाले एगंतनिद्धकाले य अग्गी न होई' / अस्स अग्गिणो पासंमि ठाऊण पज्जंतढिअ-तिणाइणो अवसारणेण तओ तं गिण्हेह, तओ पुव्वुत्तविहिणा इमाओ ओसहीओ सोहिऊण जलणंमि पक्खिविऊण, पइऊण य खाएह / मुद्धा ते तह कुणंति, चन्हिणा ताओ ओसहीओ दद्धाओ, पुणावि 1 सुपरीक्षितवीर्याणाम् / 2 अजीर्यति / 3 जीर्यति /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |