Page Text
________________ MAA ~ सिरिउसहनाहचरिए धणाणं जायगो इव अयं अणुवरो केण मणेण नणु पूगाणं सद्धालू ?, तिणाणं 'तण्णगो इव इमो अणुवरो तंबूलवल्लीपत्ताणं केण मणसा नणु सद्धावंतो ?, मक्खणपिडे लंपडबिडालो व्य अयं अणुवरो चुण्णंमि केण मणसा नणु सद्धालू अत्थि ?, केआरकद्दमस्स महिसो विव अयं अणुवरो विलेवणस्स सद्धं केण मणेणं नणु कुणेइ ?, निम्मल्लेसु उम्मत्तो इव अयं अणुवरो पुष्पमालासुं लोललोयणो केण मणसा नणु सिणिज्झइ ?, कोउग-उक्कण्णियाऽऽणणा कोउअधवलमंगलाई सुणमाणा देवा आलेक्खलिहिया इव तत्थ संजाया / तया 'लोगेसुं अयं ववहारो दंसणीओ' त्ति पहू विवाएK मज्झत्थो इव तं उविक्खेइ। दुण्हं नावाणं अंचले महापवहणस्स इव दुहं देवीणं अंचलेहिं सह पहुणो अंचलं इंदो बंधेइ / तो आभियोगियदेवो इव सुराहिबई पहुं कडितमि समारोहिऊण वेइयाघरं पइ चलेइ, तया दोहिं इंदाणीहि सिग्धं दुणि कण्णाओ कडितडंमि आरोहिऊण अवियोइयहत्थग्गं सामिणा सद्धिं चालिआओ। तेल्लुक्कसिरोरयणेहिं तेहि वहूवरेहि सह ते सव्वे पुन्वदुबारेण वेदिगागेहस्स मज्झभागमि पविसेइरे / अहं को वि तायतीसगामरो पुढवी मज्झाओ उद्वियमिव वेइकुंडे सिग्यं वन्हिं पाउंकुणेइ / तत्थ अग्गिम्मि समिहाकट्ठनिक्खेवणेण उट्ठिअधूमलेहाओ खेयरइत्थीणं कण्णावयंसत्तणं पावंतीओ गयणंगणे वित्थरंति / देवीहि गिज्जमाणधवलमंगलो सामी सुमंगलासुणंदाहिं सह पुण्ण अहमंगलं जाव तं वन्हि समंतओ परिभमेइ / वासवो गिज्जमाणेहिं आसीवयणेहिं पाणिमोक्खेण सह च्चिय ताणं अंचलमोक्खणं कारेइ / इंदाणीहिं सहिओ पुरंदरो सामिलग्गमहूसवजायहरिसेण हत्थाऽभिणय-लीलाए नच्चेइ, तं अणुकरंता अवरे वि देवा मुइया समाणा नच्चेइरे / चारणेहिं पिव जयजयाराव-करणपरेहि केहिं देवेहि, भरहेहिं पिव विविहनच्चकरणसीलेहि केहिं सुरेहि, गंधव्वेहिं पिव गायमाणेहिं अवरेहिं अमरेहि, आउज्जाइं इव अच्चंतफुडं मुहाणि वायंतेहिं अण्णेहिं सुरेहि, पवंगेहिं इव संभमाओ पवमाणेहिं केहिं, विदूसगेहिं इव सव्वं अण्णं हासमाणेहि अण्णेहिं, पडिहारेहिं इव अण्णं अवसारंतेहिं, अवरेहिं हरिसुम्मत्तसुरेहि च दंसिज्जमाणनियमत्तिो विहू सुमंगला-मुणंदाहिं विभूसिय-उभय-पासओ दिव्वजाणमोरोहिऊण नियद्वाणं गच्छेइ / एवं समत्तसंगीओ रंगायरिओ विव इंदो निवत्तिअ-विवाहो पहुं नमिऊण सहाणं समागो / तओ आरम्भ सामिपयंसिआ विवाहविही लोगमि पयटिआ, महंताणं हि पउत्तीओ पर8 चिय सिया // ___ इअ देवकयविवाहमहूसवो समत्तो // 1 तर्णकः-वत्सः / 2 प्रादुष्करोति /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |