Page Text
________________ पहुणो विवाहमहूसवो / भियं सरावसंपुडं मुयंति / कावि दुबाइ-मंगलियदव्वलंछियं रुप्पगथालं अग्गे धारेइ, कावि कोसुंभवसणा अग्यदाणटं पच्चक्खं मंगलमिव 'पंचसाहेण वइसाई उक्खेवित्ता अग्गे संठिया / हे अग्यदाइणि ! अग्योइयवराय अग्ध देसु, खणं मक्खणं उक्खेवसु, थालाओ दहिं उड्डे घरेसु, / सुन्दरि ! नंदणवणाऽऽणायचंदणदवं 'उण्णेसु, भदसालवणपुढवीए आहरियं समट्टियं दुरुध्वं उद्धराहि, गणु मिलंतलोगनयणसेणीहिं जायजंगमतोरणो एसो जगत्तयउत्तमो उत्तरीअच्छाइयाऽसेसदेहो गङ्गातरंगंतरिअ-रायहंससरिसो वरो तोरणदुवारंमि उद्धं चिट्ठइ / पचणेण अस्स पुप्फाई पडंति, चंदणं च सुस्सइ, तम्हा हे सुंदरि ! चिरं कुणेहि, दारंमि वरं मा धरसु मा धरसु / अह सा सुंदरी देवनारीहिं उच्चएहिं गिज्जमाणेसुं धवलमंगलेसु तिजा-पूयणिज्जस्स वरस्स अग्धं देइ / एगा सुन्दरी कणंत - यकंकणेहिं सह मंथाणेण तिखुत्तो तिजगपइणो भालं चुंबेइ / पहुणो विवाहमहूसवो___अह पह सपाउगेण वामेण पाएण हिमखप्परलीलाए सवन्हि सरावसंपुडं दलेइ। तओ तीए.अग्घदाइणीए कंठम्मि पविखत्तकोसुंभवत्थेण आकड्ढिज्जमाणो पहू माइहरं जाइ / तत्थ मयणफलेण उवसाहियं हत्थमुत्तं वहवराणं हत्थेसु बंधेइ / अह मेरुसिलाए केसरी इव माउदेवीणं पुरओ उच्चए सुवण्णासणे सामी अच्छेइ / तओ देवीओ समीआसत्थ-छल्लीओ पिसिऊण कण्णाणं हत्थेमुं :इत्थालेवं कुणंति / तओ अबाउलो पहू मुहलग्गोदयमि ताणं कण्णाणं हत्थालेवजुए हत्थे हत्थेहिं गिण्हेइ / तया हत्थसंपुडमझस्थहत्थालेबस्स अब्भंतरे इंदो तत्थ मुद्दियं निक्खेवेइ / तया उभयहत्थगहियाहिं ताहिं कण्णाहिं सह विहू साहादुग-लग्गाहिं लयाहिं पायवो इव विराएइ। तारामेलगपव्वंमि वहूवरदिहीओ सागर-सरियाणं जलाइं इव अण्णुण्णं अहिमुहं निवडंति / तयाणि च ताणं वाउरहियजलं पिव निच्चला दिट्ठी दिट्ठीए सह, मणो य मणसा सह मुंजित्था। तया अण्णोऽण्णं नयणतारासु पडिबिंबिया ते अणुरागओ हियएमुं अण्णुण्णं पविसंता इव छज्जिरे। इओ य सामाणियाइणो देवा अणुचरा भविऊण पहुणो पासेसु चिट्ठति। उवहासकम्ममि कुसलाओ वहणं पासचराओ इत्थीओ कोउग-धवलमंगलाई गाउं एवं आरंभन्ति-जरपीलिओ सागरजलं सोसिउं इव इमो अणुवरगो लड्डुए खाइउं केण मणसा नणु सद्धालू जाओ ?, 'कंदोइयस्स कुक्कुरो इव इमो अणुवरगो मंडगेसुं थिरदिडिओ केण मणसा नणु अभिलसिओ ?, रंकबालो इव आजम्मणाऽदिह पुष्वो - एस अणुवरो वडगाई खाइउं केण मणसा नणु सदहइ ?, जलाणं बप्पीहो इव 1 पञ्चशाखेन-हस्तेन, वैशाखम्-मन्थनदण्डम् / 2 अर्थोचितवराय। 3 उन्नय-ऊर्ध्व नय / 4 मातृगृहम् / 5 विवाहप्रसंगे वरस्स अणुचरगा अणवर ति कहिज्जति / 6 कान्दविकस्य / 7 चातकः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |