Page Text
________________ सिरिउसहनाहचरिए जाणूसुं हत्थेसु खंधेसु भालंमि य नव छुहाकुंडे इव तिलगे करंति / पुण ताओ देवीओ 'तक्कु-द्विअ-कोसुंभ-मुत्तेहिं समचउरंससंठाणं पेक्खि पिव ताणं वामदाहिण-पासेसुं अंगं फासेइरे, सोहणगत्ताओ ताओ कण्णाओ वण्णगंमि ठवियाओ, तो ताओ हरिसुम्मत्ताओ तेण चिय विहिणा उव्वण्णयपि समायरंति, पुणो अण्णमि य आसणे निवेसिऊण नियकुलदेवया इव सुवण्णकलसजलेहिं ताओ पहाविति / तओ गंधकासायवत्थेणं ताणं अंग लुहंति / अमलेण य वत्थेणं केसे वेढेइरे, तओ य ताओ आसणंतरम्मि ठवित्ता खोमवत्थाई च परिहाविऊण केसेहिंतो जलं निकासित्ता इसिं अल्लकुंतले दिव्यधृवेण धूवेज्जा / ताणं चलणे अलत्तरसेण मंडेइरे, अंग चारुणा अंगरागेण विलिंपन्ति / गीवाए हत्थ-अग्गभागे थणेसुं कपोलदेसेसुं च मयणस्स पसत्थीओ इव पत्तवल्लीओ लिहंति, णिलाडंमि चंदणेण चारुतिलगं नेत्तेसुं च अंजणं. कुणंति, वियसिअपुप्फमालाहिं धम्मिल्लं बंधेइरे, लंबमाणदसिगा सेणि-रेहिराइं विवाहजोग्गवत्थाई पहिराविति, ताणं मत्थयोवरि विवाहमणिभासुरे मउडे ठवेइरे, कण्णेसु मणिमयकण्णाहरणाई निवेसेइरे, कण्णलयासुं दिव्वाइं मोत्तिअकुंडलाई समारोविति, कंठे कंठाभूसणं, थणतडे हारं, भुया रयणमंडिए केउरे हत्थमूलेमुं च मुत्तामइयककणाई पहिराविति, कडिभागंमि कणंतकिंकिणीसेणिविराइयाओं मणिमयकंचीओ ठविंति, पाएमुं झणझणारावं कुणंताई रयणनेउराई समारोवेइरे, एवं ताओ कन्नाओ सज्जिऊण देवीगणेण उप्पाडिऊण माइघरस्स अभंतरम्मि नेऊण सुवण्णासणे उववेसाविति / इंदेण विवाहसज्जीभवणाय अईव निबंधा विण्णविज्जमाणो वसहलंछणो पहू 'लोगम्मि ववहारठिई दंसणिज्जा, मम य भोत्तव्वं भोग्गकम्मं अत्थि' त्ति चिंतिऊण इंदवयणं अणुमण्णेइ। सज्जियस्स सामिणो विवाहमंडवे आगमणं, देवोहिं कयविवाह-उवयारो अह सकेण सामी हविऊण विलिंपित्ता य जहाविहिणा भूसणाइणा भूसिओ, दुवारपालेण विव इंदेण सोहिज्जमाण-अग्ग-मग्गो, अच्छरागणेहिं उभयपासेसुं उत्तारिज्जमाणलवणो, इंदाणीहिं गिज्जमाणधवलमंगलो, सामाणियाइदेवीहिं 'किज्जमाणोयारणविही, गंधव्वबुंदेहिं हरिसेण वाइज्जमाण- आउज्जो सामो दिव्वेण वाहणेण मंडवदुवारदेसंमि समागओ / अह सामी तिदसनाहेण दिण्णहत्थो जाणाओ उत्तरिऊण मंडवदुवारभूमीए संठिओ / मंडवठियदेवीओ दुवारे तडतडचिकुणत-लवणाऽनलग-. 1 तर्कस्थित / 2 पीठीचोळवावें स्थान / 3 उद्वर्णकम्-पीठी चोळवी / 4 आर्द्रकुन्तलान्-आर्द्रकेशान् / 5 ललाटे / 6 क्रियमाणावतारणविधिः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |