Page Text
________________ 'सिरिउसहनाहजम्ममहसवो // सोहम्माहिवइणो जिणजम्मणघराओ जिणं घेत्तूणं मेरुम्मि गमणं___ अह तया सासयघंटागं रणरणारवो सग्गविमाणेमुं संभूओ / तेण सेलमूलाणीव अयलाणि अवि आसणाई कंपिआई, संभमाओ हिययाई च / तओ सोहम्भाहिबई कोवाडोवारुणनेत्तो 'णडालपट्टघडियभिउडीवियडाणणो अहरं पंफोरंतो, एगेण अंघिणा आसणं थिरं काउं इव ऊससंतो 'अज्ज कयंतेण कस्स पत्तं उक्खित्तं' ति बुवंतो वजं गिण्हेइ / तया कुद्धकेसरिसरिसं सक्कं पेक्खित्ता सेणाहिबईतं नच्चा विण्ण वेड्-हे सामि ! मइ सेवगे समाणे किं एरिसो आवेसो ?, समादिससु तव के सत्तुं हणेमि ? / तो विबुहाड़िवो ओहिणाणेण पढमजिणवइणो जम्मं जाणिऊण विगलियकोहो खणेण पसण्णमणो 'मए अणुइ चिंतियं, मम धिरत्थु, मिच्छा मे दुक्कडं ति वयंतो वासवो सीहासणं चएइ, चइत्ता तित्थयराभिमुहे सत्त अट्ठ पयाई गंतूणं, मत्थए अंजलिं काउणं, वाम जाणु भूमीए अलग्गं ठवेइ दाहिणं च जाणुं धरणियलंसि निवेसित्ता, तिक्खुत्तो मत्थयं धरणियले निवेसिऊण अरिहंत नच्चा रोमंचियदेहो थुई कुणेइ - "हे तित्थनाह ! तिलोगनाह ! किवारससागर ! सिरिनाभिनंदण ! हे भयवं तुम्हें नमो, 'जम्मओ आभिणिबोहियाइनाणत्तएण तुमं सोहसे, हे देव ! इमं भारहवासं तेलुक्कमउलिरयणेण तुमए अलंकरिज्जइ, तेण अज्ज सग्गाओ वि अइरिच्चइ / हे जगनाह ! तुम्ह जम्मकल्लाणमहसवपवित्तिो वासरो वि तुममिव आसंसारं वदंणिज्जो, हे पहु ! तुम्ह जम्मकम्मुणा नेरइयाणं पि सुहं जायइ, 'अरिहताणं हि उदयो केसि संतावहारगो न सिया ? / ' हे विहु ! तुम्हाग चरणसरोयं पाविऊण अहुणा के भवोदहि न तरिस्संति ? / रणमि कप्पतरू इव मरुभूमीए नइप्पवाहो इव हे भयवं ! लोगोणं पुण्णेण भारहवासे तुमं ओइण्णो असि' त्ति भयवंतं थुणिऊग सोहम्माहिबई हरिणेगमे सिं पाइत्ताणीयाहिवइं एवं वयासी-जंबूदीवे दाहिणड्ढभरए मज्झखंडे मज्झभूमिभागे नाभिकुलगरस्स पत्तीए मरुदवाए नंदणो पढमतित्थयरो संजाओ, तेण तस्स जम्मणमहसवहेयवे सव्वे सुरा आहबिज्जंतु / तओ सो सेणाहिवई जोयणपरिमंडलपमाणं अच्चब्भुयसरं सुघोसाभिक्खघंटे तिखुत्तो उल्लालितो वाएइ, तओ तीसे घणघोसपडिरववसेणं सोहम्मदेवलोगस्स अन्नाण वि घंटाणं एगणाई बत्तीसं सयसहस्साई रणरणारवं काउं पारद्धाई, तप्पडिरवो वि समगं समुच्छलिओ / तया पंचविहविसयपसत्ता देवा तेण सदेण 'किं एयं' ति संभंता सावहाणयं पाविआ / सावहाणेसु देवेसु अह सो सेणाहिवई मेहनिग्योसगहीरेण वरण सुररायसासणं कहेइ-भो भो देवा ! देवीपमुहपरिवारजुयाणं तुम्हाणं सव्वेसिं अलंघणिज्जसासणो सोहम्मदेवलोगाहिबई सक्को इअ आदिसइ--'जंबूदीवस्स दाहिण 1 ललाटपट्टघटितभृकुटीविकटाऽऽननः / 2 प्रस्फोरयन-प्रकम्पयन् / 3 आहूयन्ताम् / 4 वचसा /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |