Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 71

सिरिउसहनाहैनिणनम्ममहूसवो अक्खलियविकमो पुरिससीहो होहिइ 3 / सिरिदेवीदंसणेण ते पुत्तो 'लोगत्तइस्सरियसिरिनाहो 4 / सुमिणे दामदंसणाओ सबलोगस्स पुष्फमाला इव सिरसा उव्वहणिज्जसासणो होही 5 / पुण्णरयणीयरदसणाओ जगनयणाऽऽणंदगरो कंतो तुम्ह नंदणो भविस्सई 6 / रविदंसणेण मोहंधयारविद्धंसगो जगभावुज्जोयकारगो य 7 / महाधयदंसणाओ महावंसपइडिओ धम्मधओ होहिइ 8 / पुण्णकुंभदंसणे सयलाऽइसयपुण्णभायणं 9 / पउमसरोवरेण संसारकतारपडियाणं जंतूणं तावं हरिस्सइ 10 / खीरसागरदसणेण अपरिभवणीओ आयरणिज्जो होही 11 / विमाणदरिसणेण तव अंगओ तिभुवणपई वेमाणियसुरेहिं पि सेविहिइ 12 / फुरंतकंतिरयणपुंजदरिसणेण तव अंगओ सव्वगुणरयणागरो सिया 13 / निद्धमवन्हिदंसणेण तव सुओ अन्नतेयंसीणं तेयं दूरं काहिइ 14 / हे सामिणि ? एएहिं चउदसेहिं सुमिणेहिं तुम्ह अंगओ चउद्दसरज्जुपमाणलोगस्स अग्गभागे ठाहिइ त्ति समुइयफलं, इअ सुमिणाण अत्थं कहिऊण मरुदेविं च सामिणिं पणमित्ता सुरेसरा नियनियठाणमुवागया / इंदेहिं सुविणत्यकहणाऽमएण सिंचिया सा वारिधरेहिं वसुहा इव समूससिआ जाया / गम्भप्पहावो उसहजिणजम्मो अ तेण गम्भेण सा मरुदेवा सूरेण मेहमाला इव, मुत्ताहलेण सुत्ती इव, सीहेण गिरिकंदरा इव सोहित्था / निसग्गओ पियंगुसामवण्णा वि सा सरएण मेहमाला इव पंडुरत्तणं पत्ता, / तेलुक्किकमहासारं गम्भं सा धारयंती वि खेयं न पत्ता, 'गम्भवासीणं अरिहंताण एसो हि अणुवमो पहावो चिय' / मरुदेवाए उयर मि सणियं सणियं गब्भो निगूढं वढित्था / भगवओ पहावाओ सामिणी विसेसाओ वीसवच्छला जाया / नाभिकुलगरो वि सव्वेसि जुगलियनराणं पिउत्तो वि अहियं माणणीओ संजाओ, कप्पतरुणो वि सामिणो पहावाओ विसिट्ठाणुभावा अभविंसु, 'जओ हि सरयकालाणुभावाओ चंदकिरणा अहिगसिरिणो जायते' / जह पाउसागमे सव्वओ हि संतावा उवसमंति, तह भगवओ पहावओ भूमी वि उवसंत-तिरिय-मणूसवइरा जायइ / तओ सा मरुदेवा नवसुं मासेसुं अद्धहमदिणेसु य गएसु महुमासस्स बहुलट्ठमीदिणे मज्झरत्तीए गहेसु उच्चद्वाणटिएसु उत्तरासाढाए चंदे उवागए जुगलियं पुत्तं पसवित्था / तया दिसाओ हरिसेण इव पसणं पत्ताओ, लोगो कीलापरो जाओ। उववायसेज्जाजायदेवो इव जराउ-सोणिअप्पमुहकलंकपरिवज्जिओ सयणिज्जे सो विराइत्था / तया कय 1 लोकत्रयैश्वर्यश्रीनाथः / 2 समुच्छ्वसिता-उल्लासं प्राप्ता / 3 चैत्रकृष्णाष्टमीदिने /