Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 69

mmmmmmmmAAM कुलगराणं उप्पत्ती // परिपुण्णाउसो जसंसी उदहिकुमारेसु सुरूवा य नागकुमारेसु उप्पण्णा / तइओ कुलगरुत्ति 3 / अभिचंदो वि पिउणो इव सव्वे जुगलियनरे तीए मज्जायाए हक्कारमक्कारनीईहिं सासित्था / अंतकाले पडिरूवा वि मिहुणगं पसवित्था / मायपियरेहि पुत्तस्स अभिक्खा पसेणई पुत्तीए य चक्खुकंत ति ठविआ / ते वि मायापिअरेहितो नूणाउसा तमालसामलप्पहा छधणुसय-उस्सेहं धरंता कमेण वढित्था / अभिचंदो वि पज्जते मरणं लघृणं उदहिकुमारेसु, पडिरूवा पुणो नागकुमारेसु समुववण्णा / चउत्थो कुलगुरुत्ति 4 / पसेणई मिहुणगनराणं तहेव नाहो होत्था, 'महापुरिसाणं हि पुत्ता पाएणं महापुरिसा चेव जायते' / जह कामपीलिआ नरा हिरि-मज्जायाओ अइक्कमेइरे, तह तया जुगलियनरा हक्कारनीइं मक्कारनीइं च वइक्कमिन्ति / तओ पसेणई अगायार-महाभू-उत्तासगमंतऽक्खरोवमं धिक्कारनीइं अण्णं करित्था। स नीइकुसलो ताहि तीहिं नीईहि सयलमिहुणगलोग पसासित्था / तओ पच्छिमकाले चक्खुकता वि किंचि नूणाउसं पण्णासाऽहिगपंचधणुसय-ऊसयं मिहुणगं पसवीअ, तं पि सह चिअ बुढिउं पयत्तं / पुत्तो मरुदेवो नाम नंदणा य सिरिकता नामेण ते दण्णि लोयम्मि पसिद्धिं पत्ता / 'पियंगुवण्णवृत्तीए सुक्ण्णप्पहो मरुदेवो नंदणवणतरुसेणीए कणयायलो इव सोहित्या / ते वि पज्जते मरणं पाविऊण पसेणई दीवकुमारेसु चक्खुकता पुणो नागकुमारेसु उववञ्जिसु / पंचमो कुलगरोत्ति 5 / मरुदेवो वि तेण च्चिअ नीइकमेण सव्वे जुगलिए नरे पसासित्था / पज्जते सिरिकंता नामेणं नाभि मरुदेवं च जुगलगं पसवित्था, ते पणवीसाऽहिग-पंचधणुसउस्सया सह च्चिअ बुढि पाविसु / पियंगुसंनिहा मरुदेवा जंबूणयवण्णसरिसोय नाही मायपियरगुणेहिं ताण पडिबिंबभूया इव सोहित्था / सिरिकंतामरुदेवेहितो ताणं आउसं मणयं नृणं संखिज्जपुचपमाणं होत्था। अह मरुदेवो कालधम्मं उवागच्छिअ दीवकुमारेसुं, सिरिता वि तक्कालं चिअ नागकुमारेसं गच्छिस्था / छट्ठो कुलगरो समत्तो 6 / मिहुणगनराणं सत्तमो कुलगरो नाभी संजाओ। सो वि पुवमिव जुगलियनरे तीहिं नीईहिं पसासिउ पउत्तो। तया तइआरगसेसे संखाए चउरासीइपुव्वसयसहस्सेसु सनवासीइपक्खेसु समाणेसु इह आसाढमासस्स किण्ह चउत्थीए उत्तरासादानक्खत्ते चंदे उवागए सिरिवज्जणाहस्स - जीवो तित्तीससागरोवमरमाणं आउं परिपालिऊण सवसिद्धविमाणाओ चविउआण सिरिनाभिकुलगरस्स भज्जाए मरुदेवीए उयरंमि ओइण्णो / तस्साऽवयारम्मि लोगत्तए वि पाणीगं दुक्खच्छेआओ खणं सोक्खं उज्जोओ य महतो 1 अभिख्या-नाम / 2 उत्सेधम् / 3 पत्न्या /