Page Text
________________ सिरिउसहनाहचरिए कप्पतरूमुं ममत्तं संजायं, अण्णेण अंगीकयं कप्पतरुं जया अण्णो गिण्हेज्जा, तया पुध्वजुगलियनरस्स महंतो पराभवो होत्था / ते तहा परिभवं परुप्परं असहमाणा अप्पणो अहिगगुणवंतं विमलवाहणं सामित्तणेण अंगीकुणित्था / स थविरो विमलवाहणो जाइस्सरणनाणेण नीइजाणगो जुगलिगनराणं कप्पपायवे विभइऊण देइ / तत्थ जो जो परकप्पतरुगहणेण मज्जायं अइक्कमेइ स तस्स सिक्खणत्थं हक्कारनीई ठवित्था / 'तुमए हा ! दुक्कडं' ति एरिसदंडेण वारिहिवेलाजलाणि इव मज्जायं ते मिहुणगनरा न अइक्कमिंसु / तेण हक्कारदंडेण ते जुगलिआ दंडाईहिं घाओ वरं, न उ हक्कारतिरक्कारो ति मणिसु / तस्स विमलवाहणस्स छम्मासपमिए आउसस्स अवसेसे समाणे चंदजसा भज्जा एगं मिहुणं पसवित्था / ते इत्थीपुरिसा असंखेजवरिसाउसा पढमसंघयणा पढमसंठाणा सामवण्णा अधणुसउस्सया मायापियरेहिं 'चक्खुमंतो चंदकंता य' त्ति दिग्णनामा वड्ढिउं पयत्ता / छम्मासे जाव तं पुत्तजुगलं पालित्ताणं जरारोगरहिआ मच्चु लण विमलवाहणो सुवण्णकुमारेसु चंदजसा य नागकुमारेसु समुववण्णा / सो करिवरो वि निआउं पालिउआणं तत्थिचिअ नागकुमारे उप्पण्णो / पढमकुलगरो समत्तो 1 / अह चक्खुमंतो वि विमलवाहणो इव हक्कारनीईए जुगलियनराणं मज्जायं वट्टावित्था / पत्ते चरमकाले चक्खुमंत-चंदकंताणं जसंसी अ सुरूवा य जुगलरूविणो पुत्ता समुववण्णा / ते वि पुन्वमिव संघयण-संठाण-वण्णसरिसा पुवओ मणयं ऊणाउसा कमेणं बुढि पत्ता / सया सहयरा दित्तिमंता सत्तधणुसय-उस्सया ते मिहुणगनराणं मज्झे तोरणथंभविलासं लहिंसु, अह ते वि कालकमेण कालधम्म उवागंतूण चक्खुमंतो सुवण्णकुमारेसुं चंदकंता य नागेखें उप्पण्णा / बीओ कुलगरोत्ति 2 / तओ जसंसी पिउणो इव सवाई मिहुणगाइं गोवालो गावीओ इव सलीलं पालित्था / अह मिहुणगनरा कमेण हक्कारं नीई उल्लंघिउं पउत्ता, ताई सासिउं जसंसी कुलगरो मक्कारनीइं अकासि, 'एगोसहाऽसज्झे रोगे हि ओसहंतरं दायव्वं चित्र' / स महामई अप्पे अवराहे पढम नीइं, मज्झमे बीयं, महंते अवराहे दुण्णि वि नीईओ जुंजित्था। पज्जते जसंसिणो सुरुवाए य मणयं नृणाउसा जुगलरूवा इत्थीपुरिसा सह संजाया / तेहि चंदुव्व उज्जलत्तणेण पुत्तस्स अभिचंदो त्ति पुत्तीए पियंगुसमाणवण्णत्तणेण पडिरूव त्ति नाम कयं / पिउत्तो अप्पाउसा सड्ढछधणुसउच्चा कमेण ते बुढूिंढ उवित्था / . 1 उच्छ्रयाः- उच्चाः
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |