Page Text
________________ कुलगराणं उप्पत्ती॥ अहिलसिआइ दिति / तत्थ मज्जगतरवो मज्जाई, भिंगा य भायणाई तुरियंगा विविहतुरियाई, दीवसिहा जोइसिआयअसरिस उज्जोयं, चित्तंगा विविहाई पुप्फाई मल्लाइं च, चित्तरसा विविहभोयणजाय, मणिअंगा अणेगविहभूसणाई, गेहागारा सुघराइं, 'अणग्गिणा दिव्वाई वसणाई पयच्छंति / तया तत्थ भूभीओ सकरा इव साउमईओ, सरियाईसु जलाई पि सया अच्चन्तमहुराई / एवं पढमारे तत्थ आउसंघयणाइयं अइक्कमेइ, तओ कप्पदुमपहावा सणियं ऊणं ऊणं जायते / बीयम्मि अरए माणवा दुपल्लोवमजीविणो कोसदुगुच्चा तइअदिणभोइणो हुंति, तत्थ कप्पमहीरुहा किंचिऊणपहावा, उअगाई भूमिसकरा वि महुरत्तणेण पुचओ किंचि हीणा जायन्ते, एयम्मि अरए कालक्कमेण पुन्वाऽरगो विव हीणहीणयरं अन्नं पि सव्वं जायइ / तइए अरगे नरा एगपल्लाउसा एगकोसुस्सया बीअदिणभोइणो, एयंमि अरंमि पुवमिव देहं आउं भूमिमहुरया कप्पदुमपहावो वि य हीणं जायइ / पुचप्पहावरहिए चउत्थे अरगे माणवा कोडिपुव्वाउसा पंचसयधणुहुस्सया हुँति / पंचमारे वरिससयाउसा सत्तहत्थुच्चदेहा, छटे अरे पुणो सोलसवासाउसा एगहत्थुस्सया मणुआ हवंति / उस्सप्पिणीए वि पच्छाणुपुबीए दुस्सम-दुस्समपमुहा छ अरा एरिसा जाणियव्या। विमलवाहणाइणो सत्तकुलगरा तइआरंतजायत्तणेण ते सागरचन्द-पियदंसणा नवधणुसय-उच्चा पल्लदसमभागाउसा वइररिसहनारायसंघयणा समचउरंससंठाणा जुगलधम्मिणो संजाया / तत्थ साग रचन्दो जच्चसुवण्णजुई तस्स भज्जा पियंगुवण्णसरिसा होत्था / सो असोगदत्तो पुचजम्मकयमायाइ तत्थ च्चिअ सुक्कवण्णाऽऽहो चउदंतो गयराओ संजाओ। एगया इओ तओ भमंतेण तेण गएण पुव्वजम्ममित्तो स जुगलनरो पेक्खिओ, पुव्वभवब्भासवसओ तस्स तम्मि नेहो पाउन्भुओ, / तेण हत्थिणा नियकरण तं घेत्तूण जहासुहं आलिंगित्ता अणिच्छंतो स नियखंधपएसे समारोविओ। अन्नुन्नदंसगब्भासाओ ताणं दुण्हं पि पुव्वजम्मस्स मुमरणं संजायं / अण्णे जुगलधम्मिणो चउदंतगयखंधसमारूद तं इंदं इव पेकिखंसु / 'संख-कुंद-इंदुविमलं गयं आरूढो' तओ मिहुणगनरेहिं 'इमो विमलवाहणो'त्ति नामेण वुत्तो। स विमलवाहणो जाईसरणाओ नीइजाणगो पयईए भदओ रूववंतो य इइ सव्वजणेहितो अब्भहिओ संजाओ / कियंते काले गए कप्पतरूणं पहावो संजमभट्ठाणं जईणमिव मंदीभूओ। तहा तारिसकालाणुभावेण मिहुणगनराणं 1. अनग्नाः / 2. उदकानि /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |