Page Text
________________ सिरिउसहनाहचरिप कहेइ-'इत्थीणं इमं जुज्जइ, विसायं मा कुणसु, सत्थं अवलंबिऊण सुहे ववसाए ठायव्वं, न सुमरणीअं तीए वयणं, जारिसी तारिसी वा सा अत्थु, कि तीए, केवलं अम्हाणं भाऊणं 'मणमइलिआ मा होउ, एवं उज्जुणा तेण अणुणीओ सो अहमो असोगदत्तो पमुइअचित्तो जाओ, 'माइणो अवराहं किच्चा वि अप्पाणं सम्माणिन्ति' / तो पभिई नेहरहिओ सागरचन्दो उव्वेगसहिअं पियदंसणं रोगगसिअं अंगुलिमिव धारेइ, किंतु पुनमिव तं नीरागेण वटावेइ, 'सयं हि पालिआ जा लया निष्फला वि नेव उम्मूलिज्जइ' / पियदंसणा 'एयाणं मम को भेओ मा होउ' त्ति वियारित्ता असोगदत्तस्स तं वुत्तंतं पियस्स न निवेइत्था / अह सागरचन्दो निव्वेएण संसारं कारागारसमं मण्णमाणो दीणाऽणाहदुक्खिअजणेसु नियरिद्धिं सहलं करित्था / कालकमेण सागरचन्दो पियदंसणा असोगदत्तो अ निआउं पूरिऊण तिण्णि वि एए काल धम्म उवागया। सागरचन्दाइणो मरणं लद्धणं जुगलियत्तणे समुप्पण्णा इह जंबूदीवे भरहखेत्तस्स दाहिणड्ढभरहम्मि गंगासिंधूण अंतरे मज्झभागे इमोए ओसप्पिणीए तइयारगे बहुगए पल्लुवमस्स य अहमभागे अवसिढे समाणे जुगलधम्मेण सागरचन्द-पिअदंसणा समुववण्णा / कालचक्कसरूवं पंचसु भरहेसु पंचसु य एरवएमु खेत्तेसु कालववत्थाए हेऊ दुवालसाऽरं कालचकं सिआ / ओसप्पिणी-उस्सप्पिणी भेयाओ कालो दुविहो अत्थि, ओसप्पिणीए सुसमसुसमाइणो छ अरा संति, तत्थ पढमो सुसमसुसमारो चउसागरोवम कोडाकोडिपमाणो, बीओ सुसमारो तिसागरोचमकोडाकोडिपमाणो, तइओ सुसमद्समारो दुसागरोवमकोडाकोडिपमाणो चउत्थो दुस्सममुसमारो दुचत्तालीसवाससहस्सोणो एगसागरोवमकोडाकोडिपमाणो, पंचमो दुस्समारो एगवीस सहस्सवरिसपमाणो, छट्ठो दुस्समदूसमारो वि तावंतवरिसपमाणो / जहा ओसप्पिणीए छ अरा उदीरिआ, तह ते चित्र पडिलोमकमेण उस्सप्पिणीए वि जाणियब्वा, एवं ओसप्पिणीए उस्सप्पिणीए य संमिलिआ सागरोवमाणं वीसं कोडाकोडीओ हुँति / तत्थ पढमारंमि मणुस्सा तिपल्लुवमजीविणो तिकोसुच्चा चउत्थदिणभोइणो भवन्ति, ते माणवा चउरंससंठाणा वइररिसहनारायसंघयणा सव्वलक्खणलक्खिआ सयासुहा मंदकोह-माण-माया लोहा सव्वया सहावो अहम्मपरिहारिणो संति। ताणं मज्जंगपमुहा दसविहा कप्पतरुणो अहोनिसं 1. मनोमलिनता /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |