Page Text
________________ सिरिउसहनाहचरिए अन्नाणतमोहरणे आइच्चो इव, अणाइकालुप्पन्नाऽचिइच्छणीयकम्मवाहिसंहरणे मे ताओ अपुव्वो चिइच्छगो, अहवा सव्वदुक्खाणं विणासगो, अतुल्लाणुवममुहाणं जणगो करुणाऽमयसागरो मज्झ पिआ अत्थि, एवंविहे भयवंते पत्ते वि मोहपमत्तेहि अम्हेहि अप्पणा चिय अप्पा वंचिओ एसो', तो सो चक्कवट्टी तं धम्मचकवटि जिणिदं नमिरो भत्तिभरगग्गरगिराए विष्णवेइ-'हे नाह ! अज्ज जाव मए कामभोगपहाणेहिं अत्थसाहणपरेहिं नीइसत्थेहिं मई कयत्थिया, विसयलोलेण नेवत्थकम्मेहिं नडेण इव चिरं मए अयं अप्पा विणटिओ, मम इमं हि विउलरज्जं अत्थकामनिबंधणं एत्थ जो धम्मो चिंतिज्जमाणो सो पावाणुबंधगो चिअ, तओ तायरस पुक्तो भविऊण जई भवसमुद्दम्मि भमामि तया अन्नसाहारणस्स मज्झ को पुरिसगारो सिया / जहा तुम्हेहिं दिण्णं इमं रज्जं पालेमि, तह संजम-महारज्ज दिणं पि पालिस्सं, मज्झ तं देसु' / वज्जणाहाईणं पव्वज्जा____ अह सो चकवट्टी भवविरत्तमणो पुत्तस्स रज्जं दाऊणं भगवओ पासे महव्वयं पडिवण्णो / तया बाहुप्पमुहा सोअरिआ वि जेह्रण भाउणा सह वयं गिहिंसु, जओ पिउणा जेठेण य जं अंगीकयं तं चिय तेसिं कमागयं सिया / सो वि सुजसो सारही निअसामिधम्मसारहिणो पायपउमंते पव्वइओ, जओ सेवगा सामिपयाणुसारिणो च्चिा हुंति / सो वज्जणाहो रायरिसी कमेण सुयसागरस्स पारीणो "दुवालसंगविऊ संजाओ / बाहुप्पमुहा साहवोऽवि ते एगारसंगीए पारं पत्ता / तित्थयरपायसेवाए दुक्रतवाराहणाए य संतोसधणा वि ते सइ असंतोसिआ हविंसु / निच्चं ते जिणीसर-वाणी-पीऊस-रस-पाणरया अवि मासखवणाइ-तवसा न किलम्मिति / कमेण भयवं वज्जसेणो वि तित्थयरो सुक्कज्झाण-तइअ-चउत्थपायं झायंतो गिव्वाणविणिम्मिअमहूसवं निव्वाणं पावित्था / वज्जणाहो वि बाहुप्पमुहमुणिवरेहिं सहिओ भन्नजीवे बोहितो वसुहं विहरित्था / तेसि मुणीणं तवसंजमजोगप्पहावेण चंदकिरणेण पव्वएसुं ओसहीओ इव खेलोसहिपमुहलद्धीओ पाउन्भवित्था / . . * *लदीणं वणण्णं ___ताणं 'खेललवेणापि कुविणो देहं कोडी-वेहरसेण तंबं इव सुवणं संपज्जइ, कण्णनेत्ताइसमुप्पण्णो अंगभवो य कत्थूरिगापरिमलो मलो सव्वरोगीणं रोगहरो होइ, ताणं देह-फरिसमेत्तेण अमएण व्व सरोगा देहिणो रोगरहिया हुंति / ताण अंगपुहं मेह-नईपमुहजलं पि सव्वरोगे हणेइ, ताणमंगपुट्ठपवणो वि विसप्पमुह-दोसे हरेइ, तेसिं पत्ते मुहे * लद्धीर्ण सरूवं विसेसेण कुमारवालपडिबोहम्मि तईअपत्थावाओ दंसणीयं / 1 श्लेष्मलवेनापि /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |