Page Text
________________ 32 सिरिउसहनाहचरिए बुद्धिकोसलं / पुणा वि जीवाणंदो गोसीसचंदणरसेण मुणिं आसासी / भुज्जो तेल्लब्भंगेण अस्थिमज्झगया वि किमी निग्गच्छीअ, पुणो वि अच्छायणप्पयारेण रयणकंबलविलग्गे किमिणो गोकडेवरम्मि खिवित्या / तो पुणो वि सो भिसयवरो परमाए भत्तीए गोसीसचंदणरसेहिं तं मुणिवरं विलिपित्या, संरोहणोसहेहि संजायनवत्तओ दित्तिमंतो सो मुणी विसुद्धकंचणपडिमा इव विराइत्था / भत्तिभरनिम्भरेहिं तेहिं खमिओ सो खमासमणो तओ अण्णहि विहरिउं निग्गओ / तओ बुद्धिमता ते अवसिदगोसीसचदणं रयणकंबलं च विक्केऊण सुवणं गिहिति, तेण सुवण्णेण अप्पकेरसुवण्णेण य मेरुसिंगमिव उत्तंगं जिणचेइभं कराविति / तओ ते महासया निच्चं जिणपडिमं पूयंता गुरुवासणातल्लिच्छा कंपि कालं वइक्कमिति / जीवाणंदाइमित्ताणं संजमग्गहणं अच्चुयकप्पे य समुप्पत्ती - . . एगया ते विसुद्धपरिणामा वयंसा जायसंवेगा साहुसगासम्मि मणूसजम्मतरुणो फलं पव्वज्जं गिहिति / ते चउस्थछह-अहम-दसम-दुवालसाइतवेहिं संजमं निम्मलयरं पालिता, दायारं अपीलंता, पारणम्मि महुगरवित्तीए देहमेत्तनिव्वहणत्थं भिक्खं गिण्हंता, अवलम्बिअधीरिमा ते खुहापिवासा-सीउण्हाइपरीसहे सुहडा पहारे इव सहिरे, मोहनरिंदस्स सेणाए अंगाणि इव चउरो कसाए खंति-महव-अज्जवाऽलोहसत्थेहि जिणिति, एवं अज्झत्थविसुद्धीए संजमं आराहता पज्जते ते दचओ भावो असंलेहणं काऊणं कम्मगिरिनिण्णासणे असणिसमं अणसणं अकरिंसु, पंचनमुक्कारमहामंतं सुमरंता सुसमाहिजुत्ता देहं चइऊण एए छ वि वयंसा दुवालसमअच्चुअकप्पम्मि इंदसामाणिगदेवत्तणेण समुप्पण्णा / तत्थ वि बावीसं सागरोवमे जाव दिव्वाइं सुहाई अणुभवित्ता तओ चवित्था 'जओ मोक्खं विणा कत्थ वि अचवणं नत्थि' / नवमो जीवाणदभवो, दसमो य देवभवो समत्तो / अह इक्कारसमो वजणाभचक्कवट्टिभवोदेवलोगाओ चविऊण ते वज्जणाहप्पमुहा जाया -- _अह जंबूदीवे दीवे पुचविदेहे पुक्खलवईए विजए पुंडरिगिणीनयरीए जसेणनरिंदस्स धारिणीए महिसीए तेसु पंच कमेण तणया समुववण्णा, तत्थ वेजस्स जीवो नामेण वज्जणाभो चउद्दसमहासुविणसइओ पढमो पुत्तो होत्या, रायपुत्तस्स जीवो उ वाह नाम बीओ, मंतिपुत्तस्स जीवोऽवि नामओ सुबाहु ति तइओ, सेट्वि-सत्थवाहपु 1 नवत्वचः / 2 गुरूपासनातत्पराः // 3 व्यतिक्राम्यन्ति /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |