Page Text
________________ नवमो जीवाणंदभवो // पाएण नहि दोसइ / अहो ! मए अयं महामुणी चिइच्छणिज्जो चित्र, किंतु ओसहाणं अभावो अंतरायत्तणं उवेइ, तत्थ वि मम पासम्मि एग लक्खपागं तेल्लं अस्थि, न उ गोसीसचंदणं रयणकंबलो य सिआ, तं तुम्हे आणेज्जाह / एयस्स वयणं सोचा 'अम्हे ताई आणेसामो' त्ति कहिऊण पंच वि ते वयंसा वणिअहट्टम्मि गया / सो वि मुर्णिदो निअहाणं गयो / जोग्गमुल्लं घेत्तूणं अम्हाणं गोसीसचंदण-रयणकंवलाई देसु त्ति वुत्तो वुद्धवणिओ ताई दितो इमं ववेइ-एआणं एकिकस्स मुल्लं दीणाराणं लक्खमेगं सिया, जइ इच्छा सिया तया गिण्हेह, अवरं च कहेह एएहिं तुम्हाणं किं पओयणं अस्थि ? ते वि कर्हिति मुलं गिण्हेह गोसीसकंबलाई च देह, एएहिं अम्हे महामुणिस्स चिइच्छं करिस्सामु त्ति अम्हाणं पओयणं / तेसिं वयणं सोचा विम्हयविप्फारिअलोयणो रोमंच-सइआऽऽणंदो सो मणसा एवं चिंतेइ-एएसि जोवणं उम्माय-पमाय-मयणोम्मत्तं कत्थ ?, विवेगाऽऽवासा य बुद्धत्तणोइआ मई कत्थ ?, जराजज्जरिअदेहाणं अम्हारिसाणं उइअं जं, तं अहो ! एए. कुणंति इअ चिंतिऊण सो कहेइ-गोसीस-कंबलाई तुम्हे गिण्हेह, तुम्हाणं भदा ! भई अत्थु, तुम्हाणं दवेणं अलाहि, इमेसिं वत्थूणं मुल्लं अक्खयं धम्मं अहं गिहिस्सं, तुम्हेहिं बंधर्हि इव सोहणं अहं धम्मभागीकओ एवं वोत्तणं सो वणिअवरो गोसीसकंबलाई अप्पिऊण अह सो भाविअप्पा पन्नइओ परमपयं च पत्तो / महापुरिसाणं उत्तमा ते जीवाणंदेण सहिआ ओसहसामगि गिण्हित्ता जत्थ सो मुणिवरो तत्थ ते गच्छित्था, नग्गोहपायवस्स हिटुंमि काउस्सग्गेण चिट्ठमाणं माणसमाहिजुत्तं शाणेगलीणं तं मुणिवरं पणमिऊणं वयंति-हे भयवं ! अज्ज भयवंताण चिइच्छाकम्मेण धम्मविग्धं करिस्सामु, ते अणुजाणाहि अम्हासुं च पुण्णेण अणुगिण्हसु, एवं मुणिवरस्स अणुण्णं घेत्तूण अह ते नवं गोमडयं आणेसु, मुणिस्स पच्चंगं तेण तेल्लेण अब्भंगं काही, अच्चुण्हवीरिएण तेण तेल्लेण मुणी सण्णारहिओ संजाओ, 'उग्गवाहिणो हि पसमणे अच्चुग्गं ओसह उइ', तेण तेल्लेण वाउला किमओ सरीराओ बाहिरं निग्गया। तओ जीवाणंदो रयणकंबलेण समंतओ मुणिं अच्छाईअ / अह ते किमिणो रयणकंवलस्स सीयत्तणओ तत्थच्चिअ विलीणा / जीवाणंदवेज्जो कंबलं मं अंदोलंतो गोकलेवरम्मि किमिणो पाडित्था, तो जीवाणंदो अमयरसेहि इस जंतुजीवाउगोसीसचंदणरसेहिं तं मुणि आसासित्था / पुव्वं तु जे किमिणो निग्गया ते तैयागय ति चिंतिऊण भुज्जो मुणिणो तेल्लम्भंग काही, तेण अभंगेण भुज्जो वि बहुणो मंसगया वि किमओ निग्गया / तहेव पुणो अच्छायणे कए रयणकंबलम्मि ते निलोणा जाया। तंमि गोमडए ते किमिणो भुज्जो तहेव पाडित्था, वेज्जस्स अहो ! 1 गोमृतकम् / 2 आश्वासयामास / 3 त्वचागताः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |