Page Text
________________ सिरिउसहनाहचरिए पुण्णभदो नाम, चउत्थो धणसेद्विणो सीलमईए पत्तीए सीलपुंजो इव नामेणं गुणायरो त्ति / एए सब्बे बालधारेहि राइंदिरं जत्तेण रक्खिज्जमाणा वहिदउं पउत्ता, सहपंसुकीलणपरा ते समंचित्र सयल कलाकलावं गिण्हेइरे / अह सिरिमईए जीवो वि देवलोगाओ चवित्ता तत्थच्चिअ नयरम्मि ईसरदत्तस्स सेहिणो केसवो नाम तणओ संजोओ। जीवाणंदप्पमुहा ते छ चिअ परुप्परं सम्बया अविउत्ता मित्तत्तणं पत्ता। जीवाणंदो वि पिउसं तिथं 'अटुंग-आउविज्ज रसवीरिअविवागओ अ सव्वाओ ओसहीओ सम्मं वेइत्था, गएमु एरावणो इव, गहेसु आइच्चो इव, सो वेज्जेमु निरवज्ज-विज्जो विउसपहाणो होत्था / ते सव्वे सोअरा इव सएव रमंता कयाई कास ई अण्णमण्णस्स घरंमि अण्णमण्णमणुरत्ता सह चिहिति / एगया वेज्जपुत्तजीवाणंदस्स मंदिरे चिट्ठमाणेसु तेसुं एगो साहू भिक्खागहणहं आगओ / सो य पुहवीपालनरिंदस्स पुत्तो नामेण गुणागरो मलमिव रज्जं चइत्ता पव्वज्जं गिण्हित्था, गिम्हायवेण जलोहो इव उग्गतवसा किसीभूअदेहो सो अकाल-अपत्थभोयणाओ किमिकुट्टाहिभूओ आसी, सो मुणिवरो सव्वंगीण-किमि-कुठाहिडिओ वि कत्थ ओसहं न मग्गित्था 'जओ मुसुक्खवो साहवो कायनिरविक्खा हुति' / जीवाणंदाइमित्तछक्ककयमुणिचिइच्छा - एगया छट्ट तवस्स पारणे गोअरचरिआए गेहाओ गेहं परिभमंतो तेहिं नियगिहंगणसंपत्तो सो मुणी दिहो / तया नरिंदपुत्तमहीधरेण किंचि परिहासेण जीवाणंदो भिसयवरो वुत्तो-जीवाणंद ! तुम्ह वाहिणो परिनाणं ओसहस्स य नाणं, चिइच्छाए य कउसलं अत्थि, केवलं किया नत्थि, सव्वया तुम्हे वेसा इव दव्वं विणा संथुअंपि दुहपीलिअं पि पत्थणापरं पि जणं नयणेणावि न पासेह, तह विविवेगवंतेहिं एगंतओ अत्थलद्धेहि न होयव्वं, धम्म पि अंगीकाऊण कत्थ वि चिईच्छा कया ?, चिइच्छाए वाहिनियाणे च तुम्ह सव्वं परिस्समं धिद्धी, गिहंगणे आगयं एरिसं सरोगं पत्नं जं एवं उविक्खसे / चिइच्छाविण्णाणरयणरयणागरो जीवाणंदो वि आह-महाभाग ! साहुं साहुं तुमए अहं विम्हाविभो म्हि / जओ-बंभणो मच्छररहिओ, अवंचगो वणिओ, ईसारहिओ पिओ, देही निरामओ, विउसो धणी, गवविरहिओ गुणी, इत्थी अचवला, रायपुत्तो सयायाररओ अ जयम्मि / 1 अष्टाङ्गायुर्विद्याम्-चिकित्साशास्त्रम् / 2 निरवद्यविद्यः / 3 संस्तुतं-परिचितम् / 4 ईर्ष्यारहितः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |