Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 53

सत्तम-हम-नवमभवो॥ अत्थि, तहिं सुराऽऽगमणोजोआओ सो दिद्विविससप्पो विसरहिओ जाओ / नामेण सागरसेणो मुणिसेणो अते मुणिणो सूर-मयंका इव राय ! एत्थ विज्जंति, सहोयरे ते मुणी णाऊण विसेसेण सहरिसो नरिंदो तत्थच्चिा वणे निवासं करेइ, तओ सभज्जो भत्तिभरनमिरो सो सुरासुरसेविए देसणं कुणंते दुण्णि मुणिवरे वंदेइ, देसणासवणाणंतरं वत्थअन्नपाणोवगरणेहिं ताणं पडिलाहित्था, तो सो चिंतेइ-सामण्णसहोयरभावे वि अहो ! एए निक्कसाया ममत्तरहिआ परिग्गहविरया धण्णा चिअ, एरिसो अहं न म्हि, 1 गहियवयस्स पिउणो सप्पहेण अणुसारिणो एए च्चिअ सहोयरा, अहं तुं 'किणिओ इव पुत्तो म्हि, एवं ठिए वि जइ पन्चएमि ता किंचि न अजुत्तं, 'गहियमेत्ता वि पन्चज्जा दीविगा इव तमविणासाय होज्जा' तम्हा एहि नयरि गंतूण पुत्तस्स रज्जं दाऊण इंसो हंसस्स गइमिव पिउस्स गई पाविस्सामि / सिरिमईए वि सह वयग्गहणेण अणुमोइओ सो तीए सह तओ निग्गच्छिऊण कमेण लोहग्गलपुरं पत्तो। वज्जजंघो सिरिमई अ मच्चुं पावित्ता उत्तरकुरुसुं तओ अ सोहम्मदेवलोगे समुप्पण्णा तया उ अस्स रज्जलुद्धो पुत्तो धणदाणेण पहाणमंडलं नियाहीणं अकासी। सिरिमईए सहिओ नरिंदो पच्चूहे अप्पणो वयम्गहणं पुत्तस्स य रज्जदाणं चिंतमाणो निसाए सुविओ, सुहेण सुत्तेसु तेसु पुत्तो ताणं गिहभंतरे विसध्वं करित्था, 'घराओ हि उडिंअं अगि पिव तं निरोहिउं को समत्थो सिआ ? नासिगापविढेहिं विसमइअधूवधूमेहिं ते सज्जो मच्चुं पाविऊण उत्तरकुरूसुं जुगलधम्मेण समुववण्णा, 'जओ एगचिंताविवण्णाणं गई एगा हि जायइ,' तहिं पि ते खेत्ताणुरूवसुहं अणुभवित्ता मरणं पावित्ता सोहम्मदेवलोगंम्मि सुरा जाया / 22 छट्ठो वजजघभवो, सत्तमो य जुगलियभवो, अट्ठमो य देवभवो समत्तो / अह नवमो जीवाणंदभवो अह वज्जजंघजीवो देवलोगम्मि दिव्वाई भोगाई निरंतरं भोत्तूणं आउक्खएण चविऊण जंबूदीवे विदेहेसु खिइपइटिअनयरंमि मुविहिवेज्जस्स पुत्तो नामेण जीवाणंदो जाओ, तया तम्मि नयरंम्मि अन्ने वि चउरो पुत्ता समुववण्णा, तत्थ एगो ईसाणचंदनरिंदस्स कणगवईए भज्जाए नामेण महीधरो, अन्नो मुणासीरनामस्स मंतिणो लच्छीए भज्जाए सुबुद्धी नाम नंदणो, अवरो सत्थवाहवइणो सागरदत्तस्स पियाए अभयमईए 1 क्रीतः /