Page Text
________________ amanardan सिरिउसहनाहचरिए माणा इमा सा एव मम पिआ अत्थि। अहं मण्णेमि-तीए जाइस्सरणेण इह नियचरियं लिहियं, 'न हि अन्नो अण्णाणुभूभं कयाइ जाणाई। पंडिआवि आमं ति वोत्तूण सिरिमईए समीवे गंतूण हिययविसल्लीकरणोसहसमं तं सव्वं कहेइ / सिरिमईए वज्जजंघेण सह परिणयणं - सिरिमई पिअ-वृत्तगिराए रोमंचिआ जाया / तं च वुत्तंतं पंडिआमुद्देण सिरिमई पिउणो जाणावित्था, जओ इत्थी सायत्तत्तं न अरिहेइ / तीए गिराए पमुइओ वज्जसेणनरिंदो वज्जजंघकुमारं वाइरित्ता तं आह-हे कुमार ! अम्हाणं एसा सिरिमई पुत्ती पुव्वजम्मु व्व तुम्हं एण्डि पि पिआ होउ, तेण कुमारेण तहत्ति पडिवण्णे पसण्णो भूवई सिरिमई कण्णं समहूसवं कुमारेण सह परिणावेइ / तओ जोण्हामयंका इव संजुत्ता ते सियवसणधरा रण्णाणुण्णाया लोहग्गलपुरं गच्छिम् / - (अह सुवष्णजंघो नरिंदो धज्जजंघं जोगं नच्चा तं रज्जम्मि ठविऊण पव्वज्ज गिण्हित्था। वज्जसेणचक्कवट्टी वि पुक्खलपालस्स पुत्तस्स रज्जसिर दाऊणं पवइओ, सो य तित्थयरो जाओ। वज्जजंघो वि सिरिमईए पियाए ‘सह विविहकामभोगाई भुंजमाणो नायमग्गेण रज्ज पसासेइ / गंगासागराणमिव विओगं अपत्ताणं भोगे भुंजमाणाणं ताणं पुत्तो समुप्पण्णो / अह पुक्खलपालस्स सीमाए सामंतनरिंदा तेण सह . विरोइं काउं पउत्ता, एयस्स आणं अवमण्णेइरे, तो दुज्जणाणं व तेसिं साहणत्थं .. वज्जजंघनरिंदं वाहरेइ। अह पबलसेणासहिओ बलवंतो सो वज्जजंघो नयराओ निग्गच्छेइ, तया पियविरहाऽसहा सिरिमई वि नरिंदेण सह निग्गया, अंह सो नरिंदो मग्गम्मि गच्छंतो अद्धपहम्मि अमावासारयणीए वि जोण्हाभमदायगं महासरवणं पासेइ / तत्थ पहिगेहिं सो विणत्तो-हे राय ! इहं दिडिविससप्पो अस्थि त्ति वयणं सोच्चा सो अन्नेण पहेण निग्गओ, कमेण सो पुंडरीगिणीनयरीए समागओ। तेयंसिणो अस्स महारायस्स पहावाओ सव्वे सामंतनरिंदा जुद्धण विणा आहीणा जाया / राया पुक्खलपालोवि वज्जजंघनरिंदस्स विविहप्पयारेण सागयं कासी / समए सो वज्जजंघो पुक्खलवालनरिंदस्स अणुण्णं घेत्तण सिरिमईए सहिओ नयरीए निग्गओ / अह सो कमेण महासरवणं संपत्तो, तया पहिएहिं सो वुत्तो-हे महाराय ! संपइ अस्स वणमज्झेण गच्छाहि, जओ अहुणा एत्थ वणम्मि दुण्हं अणगाराणं केवलनाणं समुप्पण्णं / 1 स्वायत्तत्वम्-स्वाधीनत्वम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |