Page Text
________________ उठो वज्जजंघभवो // अहं ललियंगो अम्हि, इमा सयंपहा मम देवी इच्चाई जं पत्थ पडम्मि लिहियं तं संवएइ च्चिअ / अह य पंडिआ तं पुच्छेइ-जइ एवं भद ! तया कहेहि ‘पडंमि को इमो संनिवेसो, तं तुम सयं अंगुलीए दंसेसु' / सो वएइ-एसो मेरुपचओ, एसा नयरी पुंडरिगिणी / तीए पुणो वि पुट्ठो-इमो मुणीसरो को ? / सो वएइइमस्स नामं मए विस्सरिअं / भुज्जो वि सा पुच्छेइ-मंतीहिं परिवरिओ अयं नरिंदो को नाम ? एसा य तवंसिणी का ? / सो बोल्लेइ-अहं न जाणामि / तीए नायं-इमो को वि मायावी अस्थि ?, तो सा उवहासपुव्वयं वएइ –'हे पुत्त ! तुम्ह पुष्वभवचरियं संवएइ एव, तुर्म ललियंगो देवो असि, तुम्ह पत्ती उ सयंपहा नंदिग्गामे कम्मदोसाओ संपइ पंगूभूआ उप्पन्नासि, संजायजाईसरणाओ निरं चरियं पडम्मि आलिहिऊण तीए एसो पडो धायइखंडगयाए मम अप्पिओ, तीए पंगूए करुणाए तुं मए गवेसिओ असि, तओ आगच्छाहि तीए समीवंमि तुमं नएमि, दीणा सा तुम्ह विओगम्मि पुत्त ? कटेण जीवइ, तो पुव्वजम्मप्पियं अज्ज समासासेहि' एवं वोत्तूणं तुहिआए पंडियाए स मांइओ नियमित्तेहिं चेव उबहासपुव्वयं भासिओ-मित्त ! कलत्तरयणाभिगमाओ तुम्ह महंतो पुण्णुदओ, तो तत्थ गच्छसु, सा पंगू पिआ तुम्ह सव्वहा पोसणिज्जा एव / तओ विलक्ख-दीणाणणो स दुईतो कुमारो कत्थ वि गओ। __ अह लोहग्गलपुराओ सो वज्जजंघो वि तया तस्थ समुवागओ, तं वित्तपउलिहिअनिअचरियं पासिऊण मुच्छिओ तालयंटेहिं 'बीइओ जलेहिं च सिंचिओ, अह सो उडिओ समाणो सज्जो सग्गाओ आगओ इव जाइस्सरवंता होत्था। तया तीए पंडिआए 'कुमार ! इमं चित्तपडं पेक्खित्ता तुमं किं मुच्छिओ असि ?' इअ पुढो वज्जजंघो आह-हे भद्दे ! इह सप्पियस्स मम पुन्वभवसंभवचरियं इमं लिहिअं, तं दणं अई मुच्छिओ, चित्तपडम्मि इमो ईसाणकप्पो, इमं सिरिप्पहं विमाणं, एसो हं ललियंगो नामेणं देवो, इमा मञ्झ सयंपहा नाम पिआ अत्थि, इओ अ धायइसंडे नंदिग्गामे महादलिदस्स घरम्मि निन्नामिगा पुत्ती इमा, इह सा अंबरतिलगपन्चयमारूढा जुगंधरमहामुणिस्स पुरओ गहिआणसणा ठिआ अत्थि, एत्थ अहं ईमीए निअरूवर्दसणत्थं आगओ, / मइ रत्ता मरिऊण एसा पूर्ण सयंपहा जाया, इह नंदीसरद्दीवे जिणपडिमापूअणपरो अहं अम्हि, इओ अन्नतित्थेसु गच्छमाणो मग्गम्मि चयमाणो अहं अम्हि, इह य एगागिणी मज्झ विओगे दीणाणणा इमा सयपहा, इह य चय 1 मायिकः / 2 वीजितः
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |