Page Text
________________ . सिरिउसहनाहचरिप मुणिणो उप्पण्णे केवलनाणे तस्स महूसवं काउं आगच्छंते देवे पासइ, पासिऊण 'पुव्वं मए एरिसं कत्थ दिहं' ति विचारंती ऊहापोहं च कुणंती निसासुमिणमिव पुव्वाइं जम्मंतराइं सुमरेइ, हियए पुन्वभवनाणभारं वहिउं असमत्था इव तक्खणंमि मुच्छिआ भूमियलंमि निवडिया, सहीहिं कएण चंदणाइउवयारेण लद्धचेयणा समुट्ठिा समाणा चित्तमि य एवं चिंतेइ-मम पुव्वभवपई ललियंगो सो सगाओ चविओ संपइ कत्थ ओइण्णो अत्थि त्ति अन्नाणं मं पीलेइ, हिययसंकंते एयम्मि, न अन्नो मम पाणणाहो, जओ कप्पूरपत्ते को नाम लवणं पक्खिवेज्ज / सो अ पाणप्पिओ मम वयणगोअरो न सिआ, तो अण्णेण सह आलवेण अलं ति विआरित्ता मउणं चेव अकासी / तया तस्स सहीवग्गो भूअप्पेआइदोससंकाए मंततंताइ-उवयारं काउं लग्गो / सा उवयारसएहिं पि मूगत्तणं न मुंचेइ / अह कंमि पोयणे वि नि परिवारं अक्खराइं लिहिऊण 'भूमया-हत्थाइसन्नाए वा निओएइ, अन्नया सा सिरिमई कीलोज्जाणे कीलणत्थं गया,तत्थ एगंते समयं लद्धणं पंडियाए नाम धाईए पुच्छिआ-हे पुत्ति ! तुम मज्झ पाणा इव पिआ असि, तुझ वि अहं माई इव, तेण अम्हाणं अण्णमणं अवीसासकारणं न, तो जेण हेउणा मोणं आलंबसे तं मज्झ कहसु, मम तुज्झ दुक्खसंविभागं दाऊण अप्पाणं अप्पदुक्खं कुणाहि, तब दुक्खं अहं णाऊण तस्स पईगारत्थं जइस्सं, जओ हि अण्णायरोगस्स कयाइ चिइच्छा न जुज्जइ, माऊए इव तीए वयणं सोच्चा सा वि पुव्वजम्मसंभवनिअवुत्तंतं तीए अग्गओ बवेइ / सा य पंडिआ उवायकुसला सिरिमईए तं वुत्तंतं पडम्मि आलिहिऊण नयरंमि दंसिउं सिग्धं गया। तया वज्जसेणचक्कवट्टिस्स जम्मदिवसो हुवीअ, एयम्मि समए तत्थ बहवो भूवइणो आगया / अह सा पंडिआ तं सुंदरं चित्तपडं घेत्तूणं रायमग्गम्मि वित्थारिऊण ठिआ / तत्थ सत्थकुसला के जणा तं पडं पासित्ता सग्ग-नंदीसराइकं ठाणं आगमत्थाऽविरोहेण परिथुणिरे, अवरे उ-महासावगा मत्थयं धुवमाणा पत्तेगं सिरिअरिहंताणं पडिमाओ वणिंति, के वि कलाकोसलसालिणो अभिक्खणं कुणिअनेत्तेहिं पइक्खणं पडं पेक्खमाणा चित्तरेहामुद्धिं पंससंति / एत्थंतरम्मि य दुइंतो इअ जहत्थनामो दुइंसणमहीवइणो पुत्तो तत्थ समागओ, सो तं चित्तपडं खणं पेक्खिऊण धीमंतो अलीगाए मुच्छाए भूमीए पडिओ, लद्धसन्नो इव उहिओ सो ... जणेण मुच्छाए कारणं पुट्ठो कवडनाडयं काऊण वुत्तंतं कहेइ-मम पुधभवचरिअं केणावि एत्थ लिहिअं अस्थि, एयस्स चित्तपडस्स दंसणाओ मम जाईसरणं समुप्पण्णं, 1 भ्रः-भमर, भवां / 2 कूणित० संकोचितनेत्रैः //
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |