________________ 25 छट्ठो वजजंघभयो / स रम्मेसु वि कीलागिरि-सरोवर-वावी-उववणेसु वि कत्थ वि रइं न पावित्था, तओ पियं नेहरहिरं पासित्ता सा सयपहादेवी वएइ-हे पिय ! मए कि अबरद्धं ? जं एवं सुण्णचित्तो दीसइ / ललियंगो बोल्लेइ-हे पिए ! तुमए न अवरद्धं किंतु मए चित्र, जओ पुन्वभवे तवो अप्पो कओ, धम्महीणो अ केवलं कामभोगेर्मु चेव पसत्तो, पुव्वजम्मंमि अहं विजाहरनरिंदो हुवीअ, तया सेसंमि आउसंमि पुण्णोदयपेरिएण व्व सयंबुद्धेण मंतिणा पडिबोहिओ अहं जिणिदधम्म पावित्था / तेण अंतिमकाले आराहिअधम्मपहावेण एयंमि सिरिप्पहविमाणे सामित्तणेण समुप्यन्नो, अहुणा तं पुण्णं खीणं तेण इओ अहं चइस्सामि एवं भासमाणस्स तस्स पुरओ देविदेण आदिहो दिढधम्मो नाम देवो उवेच्च तं एवं वएइ / "अज्ज ईसाणिदो नंदीसराइदीवेसुं जिणिदपडिमच्चणमहसवं काउं गच्छिहिइ, ता तुमं पि तस्साऽऽणाए आगच्छसु", एवं सोच्चा अहो ! पुण्णुदयाओ मम कालोइमं सामिसासणं ति पमुइअमणो पियाए सहिओ चलीअ / नंदीसरम्मि गच्चा वीसरिआसण्णचवणो सो परमहरिसेण सासयपडिमाओ अच्चेइ, तओ सुहभावणावासिअमणो अन्ने सुं तित्थेमुं गच्छंतो 'वियाले खीणाउसो सो चविओ। / पंचमो भवो समत्तो, अह छट्ठो वजजंघभवोतओ चविऊण जंबूदीवे पुव्वविदेहे उवसागरं सीयाए महानईए उत्तरतडम्मि पुक्खलावईए विजए लोहग्गलमहापुरंमि सुवण्णजंघस्स रणो लच्छीनामाए भज्जाए पुत्तत्तणेण समुववन्नो, पुत्तनम्मंमि संपत्ताऽऽणंदा मायपियरा पुत्तस्स घज्जजंघो त्ति नाम करेइरे / सिरिमईए वुत्तो ___ अह सा सयंपहा देवी पिअवियोगे दुहट्टा धम्मकमि संलीणा कियंतेण कालेण ललियंगो इव सग्गाओ चविऊण इहेव विजए पुंडरिगिणीए नयरीए वज्जसेणचक्कवट्टिस्स गुणवईए भज्जाए पुत्तित्तणेण समुववन्ना, मायपिअरेहिं सव्वलोगाइसाइणीए सिरीए संजुत्तणेण सिरिमइ ति नामं ठविकं / सा कमेणं पंचधावीहि लालिज्जमाणा सुउमालंगा विलसंतपाणिपल्लवा वड्ढमाणी निद्धाए कंतीए नहयलं पयासंती जोव्वणमणुपत्ता / एगया सा सव्वओभई नामं पासायं कीडाए आरोहती पासायतलोवरिं गया, तत्थ नयरसोई पासंती सा मणोरमुज्जाणे सुत्थिअमहा 1 विचाले-अन्तराले
