Page Text
________________ वउत्थो महाबलभवो // आणंददायगसुहेयाविसयउवयारेहिं पडिजागरित्था। कास-सास-मूलजराइवाहिबाहिओ पच्चंग इंगालेहिं चुंबिज्जमाणो इव दाहविन्भलो रउद्दज्झाणपरो स भूवई मरणं पत्तो। - तो तस्स पुत्तो हरिचंदो तस्स उद्धदेहियं किच्चा सयायारपहासत्तो नायपुरस्सरं रज्जं पालेउं लग्गो / सो राया एत्थ वि पावफलं निअपिउणो अच्चंतदुक्खनिबंधणं मरणं दट्टणं गहेमुं सूरमिव पुरिसढेसुं धम्मं चित्र पसंसिस्था / अण्णया सो निवालमित्तं सावगं सुबुद्धिमंतिवरं कहित्था, 'तुमए पइदिणं धम्मसत्थविउसेहिंतो धम्म सोच्चा मम सो कहिअयो' एयं सुणिऊण सुबुद्धी मंती निच्चं निअपण्णाऽणुसारेण रण्णो पुरओ जिणिदपणीअंधम्मं कहिउ तपरो जाओ, 'जओ अणुकूलपवत्तणं सज्जगाणं ऊसाहकारणं होज्जा' एवं सुबुद्धिकहि धम्म सुणमाणो रोगभीओ ओसहमिव पावभीनो तं सही / अग्णया नयराभो बाहिरं उज्जाणमज्झम्मि सीलंधरमुणिस्स उप्पण्णे केवलमाणे तस्स महसवं काउं देवा समागया / सुबुद्धिणा एयंमि वुत्तंते कहिए सद्धातरंगित्रमाणसो आसारूढो सो राया तं मुणिदं उवागओ, तं पणमित्ता उवविठे नरिंदे स केवलनाणी महामुणी अन्नाणतमहरणिं धम्मदेसणं अकासी / देसणंते स भूवई कयंजली तं मुर्णिदं पुच्छित्या-हे भयवं ! मम पिआ मरिऊण कं गई पत्तो ? / अह सो केवलिवरो वयासी-महाराय ! तब पिआ तिव्वपावुदएण अंते बहुदुक्खं अणुभविऊण सत्तमि नरगावणिं गो। तारिसाणं महाघोरकम्माणं न अन्नं ठाणं सिआ। तं सोच्चा संजायसंवेगो स महीवई मुर्णिदं पणमिऊण उट्ठाय नयरम्मि समागो / पुत्तस्स रज्ज दाऊणं सुबुद्धि मंतिं आह-हे मंतिवर ! हं पयज्ज गिहिस्सं / तुमं मम इव मज्झ पुते वि निर्णिदधम्म सइ उपदिसाहि / सो वि आह-हे नरिंद ! अहं पि तुमए सह पव्वइस्सं, मम पुत्तो तुम्हाणं पुत्तस्स अग्गओ धम्म कहिस्सइ / तो ते राय-मंतिणो कम्मगिरिभेयणकुलिपसरिसं महब्वयं गिहित्या, निम्मलयरविसुद्धीए उग्गतवसा किलिटुकम्माई खवित्ता केवलनाणं लद्धणं सिवं पत्ता। दंडगनरिंदवुत्तंतो__अवरं च तुम्हाणं वंसे पुरा पयंडप्लासगो दंडगो नाम पत्थिवो अहेसि / तस्स पुतो मणिमाली नाम जयभिम विक्खाओ संजाओ। सो नरिंदो पुत्तमित्तकलत्तेसुं सुवण्णमणि-रयण-रययधणेमुं च अच्चंतमुच्छावंतो अभू / कालकमेण अट्टज्झाणपरो सो निवो मच्चुं पाविध नियभंडागारे अयगरतणेण समुववन्नो। तत्थ ठिओ दारुणसरूवो सन्चभक्खिहुआसण इत्र उदित्तो जो जो भंडागारं पवेसइ, तं तं गसेइ / एगया भंडागारं 1 'हुताशनः-अग्निः।
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |