________________ wwwwwwwwwwwwwwwwwwwwwwwwws सिरिउसहनाहरिए सो रायरिसी केरिसो जाओ? मिउमडवसंपन्ने, गम्भीरो सुसमाहिओ। विहरइ महिं महप्पा, सीलभूएण अप्पणा // 15 // एवं सो मुणिवरो गहणासेवणसिक्खाए गुरुवराण पासंमि रयणत्तयं अब्भसंतो सव्वत्थ समचित्तत्तं भावितो, जिइंदिओ कोहाइअरिंगणं जिणंतो, 'अज्झप्पविसोहिजुत्तो सत्थपारगो समिइगुत्तिजुत्तो दसहपरीसहे अहिसहंतो मेत्ती-पमोय-कारुण्ण-मज्झत्थ भावणादिण्णचित्तो परमपए इव अमंदाणंदरससागरनिमग्गो संजमाराहणसीलो संजाओ, एवं कमेण रायरिसी महप्पा माणेण तवसा य निम्मलचारित्तं आराहिऊण अंते अणसणेण निआउं सम्मं अइवाहित्ता सग्गसंपयं संपत्तो / ____ अह सो महाबलनरिंदो सबलाणेगखेअरबुंदेहिं परिवरिओ इंदो इव अखंडसासणो पुढवि पसासेइ / स रमणिज्जरमणीपरिअरिओ पसण्णचित्तोरम्मारामसेणीसु कमलिणीवणखंडेसु रायहंसो इव कया कीलेइ, अग्गओ पासओ पच्छा नारीगणपरिवेढिओ सो सक्खं मुत्तिमंतो सिंगाररसो इव कया दीसइ, एवं केवलं विसयकीलासत्तचित्तस्स तस्स धम्मविमुहस्स निष्फलाई दिणाइं जंति / एगया सो महाराओ अवरमणिमयर्थमसरिसागेगामच्च-सामन्तप्पमुहविसिट्ठजणविराइअसहाए उवविठ्ठो होत्या / तया रण्णो पहाणमन्तिवरा सयंवुद्धो संभिन्नई सयमई महामई अ नरिंदं पणमित्ता जोगिणो इव महीवइदिण्णेगचित्ता सहामझे नियनियासणम्मि उवविठ्ठा संति / तत्थ सम्मदिही सयंबुद्धो जो निअसामिभत्तिवच्छलो कल्लाणमित्तो बुद्धिरयणरोहणायलुब्ध आसी / जओ जोएइ य जो धम्मे, जीवं विविहेण केणइ नएण / संसार-चौरगगयं, सो नणु कल्लाणमित्तो त्ति // 16 // सयंबुद्धिमंतिचिंतणं, महाबलं च पइ उवएसो ___ सो केवलकामभोगासत्तं नरवई दट्टण विचिंतेइ.-अम्हाणं सामी दुईतइंदिएहिं विसयासत्तो पासमाणेसु अम्हेसु हरिज्जइ, तओ तं उविक्खमाणाणं अम्हाणं धिद्धी ? ? / विसयाणंदमग्गचित्ताणं धम्मकम्मविहीणाणं अम्हाणं सामीणं निरत्थय जम्मं गच्छइ त्ति मे मणो तम्मेइ / जइ अम्हे हि एसो धम्मसम्मुहो न करिज्जइ तया अम्हाणं नम्म 1 अध्यात्मविशोधियुक्तः / 2 चारकगतम्-कारागारस्थितम् / 3 नर्ममंत्रिणाम् /
