________________ बउत्थो महाबलभवो मंतीणं च किं अंतरं होज्जा ? / तओ कह पि अम्हेहिं नरिंदो हिअपहमि नेयचो. कया वि सामिवसणजीविणो एए दुटमंतिणो मं निंदिस्सइ अणेण किं मम ? एवं विआरित्ता सव्वमंतिपहाणयमो सोसयंबुद्धो मंती रइयंजली रायाणं विण्णवेइ-हे महाराय ! ससारंमि समुद्दो नदीजलेहि, वडवाणलो समुद्दजलेहि, जमो जंतूहि, अम्मी इंधः / णेहिं न 'तिप्पइ, तहा जीवो वि पंचिंदियविसयसुहेहि कया वि किं तित्तिं पावेइ / अथिराण चंचलाण य, खणमित्तसुहंकराण पावाणं / दुग्गइनिबंधणाणं, विरमसु एआण भोगाणं // 17 // सल्लं कामा विसं कामा, कामा आसीवीसोचमा / कामे पत्थेअमाणा, अकामा जति दुग्गइं // 18 // तिलमित्तं विसयसुहं, दुहं च गिरिरायसिंगतुंगयरं / भवकोडीहिं न निट्ठइ, जं जाणसु तं करिज्जासु // 19 // मयणेण मएणेव, जणो परवसीकओ। सयायारपहभट्ठो, पैडए च्च भवावडे // 20 // विसयवल्लीओ इव इत्थीओ दसणेण फासणेण उवभोगेण य अच्चतं वामोहाय - च्चिअ जायन्ते / अण्णं च एए नैम्ममुहिआ खाण-पाणिक्कदिण्णचित्ता सामिणो परलोगहियं न चिंतिरे, अहो ! दुज्जणा नियत्थसाहणपरा, कुलीणाणं दुज्जणसंसग्गाओ अन्भुदओ कुओ होज्जा ?, जओ बोरीतरुसंनिहिंमि कयली कयावि किं नंदइ ? / तो हे सामि ! पसोअमु, सयं विउसो असि, विमूढो मा भवाहि, वसणासत्ति परि. चइत्ता. धम्ममि मणं ठबिज्जाहि / जओ उत्तं-- नरनरवइदेवाणं, जे सोक्खं सव्युत्तमं लोए / तं धम्मेण विढप्पड़, तम्हा धम्म सया कुणसु // 21 // जाणइ जणो मरिज्जइ, पेच्छइ लोओ मरंतयं अन्नं / / , न य कोइ जए अमरो, कह तह वि अणायरो धम्मे // 22 // धम्मो बंधू सुमित्तो य, धम्मो य परमो गुरू / * मुक्खमग्गपयट्टाणं, धम्मो परमसंदणो . // 23 // 6 जहा देवहीणं चेइअं, चंदरहिआ रयणी, अचारित्तेण जई, नयणहीणं मुहमिव निद्धम्मो नरो न सोहइ / अहियं किं वुच्चइ ?, धम्मेणेव नरा सग्गे दिविंदाइसुह 1 तृप्यति / 2 पतत्येव / 3 नर्मसुहृदः /
