Page Text
________________ 205 सिरिउसहजिणीसरस्स सत्तुंजयतिथमि आगमणं लीभूयपव्ययासण्णभूयलं, भदसालवणपभिईणं मज्झाओ एगयमेण वणेण विव विसालत्तणसालिणा तरुखंडेण मंडियं, मूलम्मि पण्णासजोयणवित्थरं, सिहरम्मि दसजोयणाऽऽभोगं अट्ठजोयसेहं तं गिरिवरं पहू आरोहेइ। तत्थ सज्जो वि सुरासुरविणिम्मिए समवसरणे सव्वजीवहियगरो भगवं अच्छिऊण देसणं कुणेइ / तया देसणं दितस्स पहुणो गहीरगिराए गुहोत्थियपडिसदेहिं सो गिरी अणुक्यंतो इव विराएइ / ____ अह पढमाए पोरिसीए गयाए तिजगणाहो पाउसकालम्मि गए जलहरो बुट्ठीए इव देसणाविहीए विरमेइ / तओ ठाणाओ उट्ठाय सो देवदेवो देवविनिम्मिए बीयपायारमज्झसंठिए देवच्छंदए निसीएइ / तओ य पढमो सिरिपुंडरीअगणहरो महारायस्स युवराओव्व सामिणो पायपीढम्मि निसीएइ, निसीइत्ता सो गणहरवरो तहच्चिय संठियाए परिसाए भगवओ विव धम्मदेसणं विहेइ, एवं सो वि गणहरो पभायम्मि समीरणो ओसाय-सुहासिंचणं पिव बीयपोरिसीए देसणं देइ / एवं उसहणाहो भवियजीवुवयारटुं धम्मदेसणं कुणंतो अठावयगिरिम्मि विव तत्थ कंचि कालं चिढेइ / अण्णया जगगुरू अण्णहिं विहरिउं इच्छंतो गणहरपुंडरीयं तं पुंडरीअं समादिसेइ-महामुणि ! अम्हे इओ अण्णत्थ विहरिउंगच्छिस्सामो, तुम मुणिकोडिपरिवरिओ एत्थच्चिय गिरिम्मि चिट्ठसु, एत्थ खेत्ताणुभावेण सपरिवारस्स भवओ केवलनाणं खलु उववज्जिस्सइ / तया सो गणहरो तहत्ति सामिणो वयणं पडिवज्जिऊण पणमिऊण य कोडिमुणिगणपरिवरिओ तत्थच्चिय चिढेइ / नाहिणंदणजिणेसो उव्वेलो वारिही तीरगड्डेसुं रयणोहं पिव तं पुंडरीयगणहरं तत्थ मोत्तूणं सपरिवारो. अण्णहिं बच्चेइ / सो गणवई उदयायलतडम्मि नक्खत्तेहिं सद्धिं मयंको विव मुणीहिं समं तत्थ पव्वयम्मि चिटेइ, तो सो पुंडरीअगणहरो परमसंवेगरंगरंजिओ सुहामहुरगिराए समणगणं एवं भासेइ / दव्व-भावसंलेहणा पुंडरीयगणहरस्स निव्वाणं / जयाभिलासीणं सीमापज्जंतपुढविसाहगं दुगं पिव खेत्तप्पहावेण सो अयं गिरिराओ सिद्धिनिबंधणं अत्थि, मुत्तीए परमसाहणंतरख्वा संलेहणा वि कायव्वा, सा उ दव्वभावभेएण दुविहा होइ, तत्थ सव्वुम्माय-महारोग-नियाणाणं सबधाऊणं सोसणरूवा दव्वसंलेहणा मया, जो य रागदोसमोहाणं कसायाणं भाव-रिऊणं सव्वओ छेओ सा उ भावसंलेहणा जाणियव्वा इअ वोत्तूणं सो पुंडरीअगणहरो समणकोडीहिं सह सम्वे सुहुमे य बायरे य अइयारे आलोएइ, अइविसुद्धिनिमित्तं 1 सयोऽपि। 2 भवश्यायसुधा० हिमामृतसेकम् / 3 उद्वेलः- उच्छलितः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |