Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 230

सिरिउसहनाहवरिष च भुज्जो महव्वयारोवणं कुणेइ, वत्थस्स हि दुक्खुत्तो तिक्खुत्तो पक्खालणं अइनिम्मलकारणं सिया / छण्ण वि जीव-णिकायाण, जं मए किंचि 'मंगुलं रइयं / ते मे खमंतु सव्वे, एस खमाबेमि भावेण // 1 // जे जाणमजाणं वा, रागद्दासेहिं अहव मोहेणं / जं दुक्खविया जीवा, खमंतु ते मज्झ सव्वे वि // 2 // खामेमि सव्वजीवे, सव्वे जीवा खमंतु मे / मेत्ती मे सव्वभूएसु, वेरं मज्झ न केणइ // 3 // इअवोत्तूणं सो समत्तसमणेहिं सह निरागारं सुदुक्करं भवचरमं अणसणं पडिवज्जेइ, खवगसेढिं समारूढस्स ओयंसिणो तस्स घाइकम्माई अभिओ जिण्णरज्जुव्व तुटुंति, तइया तेसिपि कोडिसखाणं साहणं सज्जो घाइकम्माई तुझेइरे, तवो हि सव्वेसि साहारणं चेव / मासियसलेहणापज्जते चइत्तमासस्स पुणिमाए पुंडरीयगणहरस्स पढमं केवलणाणं होत्था, पच्छा य ताणं महप्पाणं संजायं, तो ते जोमिणो मुक्कज्झाणस्स तुरियपाए संठिआ जोगरहिआ समाणा पहीणासेसकम्मा निव्वाणपयविं पावेइरे। तया सग्गाओ देवा समागच्च मरुदेवीमाईए इव खणेणं भत्तीए ताणं निव्वाणगमणमहुच्छवं कुणेइरे / जह भयवं उसहसामी पढमों तित्थयरो जाओ, तह सत्तुंजयगिरी वि तइया पढमं तित्थं संजायं। जत्थ इक्को वि मुणिवरो सिज्झेज्ज तं पि पवित्तं तित्थं सिया, तया जत्थ तावंता महेसिणो सिझंति तत्थ तस्स पवित. तणम्मि कि पुणो कहिज्जइ / ____ अह भरहेसरो नरिंदो सिरिसतुंजयगिरिम्मि रयणसिलामइयं मेरुचूलापडिफद्धिं चेइयं करावेइ, तस्स मज्झम्मि नरिंदो चित्तम्मि चेयणं पिव पुंडरीयपडिमाए सहियं उसहपहुणो पडिम ठवेइ / भयवं पि विविहदेसेसुं विहरमाणो चक्खुदाणेण अंधे विव बोहिदाणेण भव्वजीवे अणुगिण्हेइ / अह भगवओ परिवाराइसंखा-- उसहपहुणो केवलणाणाओ आरम्भ समणाणं चउरासीइसहस्साई, साहणी लक्खत्तयं, *सावगाणं सपण्णाससहस्सं लक्खत्तयं, तह य साविआणं चउपण्णसहस्सजुयाइं पंच लक्खाई, चउद्दसपुव्वधराणं चत्तारि सहस्साणि पण्णासाहिगाई च 1 अनिष्टम् / * कप्पसुत्ते-तिगि सयसाहस्सीओ पंचसहस्सा उक्कोसिआ समणोवासगाणं संपया हुत्या 216 // बावीससहस्सा नव स्रया अणुत्तरोववाइयाणं संपया हुत्था // 226 // इअ विसेसो वियाणियव्यो।