Page Text
________________ 204 सिरिउसहनाहचरिए चिए विव मगहलोगे तवपरे कुणंतो, दिवायरो पउमकोसे इन कासीदेसजणे वियासंतो, निसाणाहो अण्णवे विव दसण्णदेसनिवासिणो आणंदयंतो, मुच्छिए विव चेदीदेसमाणवे देसणासुहाए 'चेयंतो, वच्छयरेहिं पिव मालवदेसनिवासीहिं धम्मधुरं वाहितो, पावविवत्तिणासाओ गुज्जरनरे देवे विव कुणतो, वेज्जो विव सोरट्ठदेसवासिणो पसस्थभावजुत्ते समायरंतो कमेण सत्तुंजयं गच्छेइ / उसहपहुणो सत्तुंजयतित्थम्मि आगमणं / तं च गिरिवरं वण्णेइ-कत्थई रुप्पसिलाचएहिं वइदेसि वेयड्ढे पिव, कत्थ वि सुवण्णपाहाणोच्चएहिं आहरियं मेरुणो तडं पिव, कत्थ य रयणखाणीहिं अवरं रयणायलं पिव, कत्थ वि ओसहीहिं थाणंतर-थिअं हिमगिरि पिव, निरंतरसंसत्तजलहरेहिं परिहियचोलगं पिव, निज्झरजलेहिं खंधाऽवलंबिरुत्तरियं पिव, दिवहम्मि सिहरसमीवढिएण सूरेण धरियमउडं पिव, रत्तीए य मयंकेण चंदणरसतिलकचिन्हं पिव, गयणपज्जंतठिएहिं सिहरेहिं सहस्समुद्धं पिव, तुंगेहिं तालमहीरुहेहिं अणेगबाहुदंडं पित्र, नालिएरवणखंडेसुं उच्चएहिं पक्कपिंगलंबीसं नियावच्चभमाओ वेगुप्पडंत-पवंगमसंकुलं, उक्कण्णेहिं हरिणेहि अंब-फलावचयपसत्त-सोरहवासिहरिणीनयणाणं आयणिज्जमाण-महुरगाणं, वियसिय सूइमिसेण संजायपलिएहिं पिव जरंत-केअगीरुक्खेहि भरिय-उवरियणभूमि, ठाणे ठाणे 'सिरिखंडदव-पंडहिं सिंदुवारतरूहिं उच्चएहि कय-सव्वंग-मंगलतिलगावलिं पिव, साहासंठियसाहामिग-गंगूल-जडिली-कएहि "चिंचादुमेहि पलक्ख-णग्गोह-पायवाणुकारं, अच्चब्भुय-नियवित्थार-संपयाए पमुइएहिं पिव निच्चं रोमंचियफलेहिं फणसेहिं उवसोहियं, अमावस्स-राइ-तम-सरिसेहिं सेलुतरूहि आहरिय-अंजणगिरिचूलाहिं पिव रेहियं, सुगचंचुन्न रत्तकुसुम-समिद्धीहिं 'किंसुअरुक्खेहिं कुंकुम-थासगेहिं महागयं पिव सोहमाणं, कत्थवि दक्खाभवं कत्थ वि खज्जूरभवं कत्थइ तालभवं मज पिवंतेहिं सबरीजणेहि निबद्धगोहीयं, अक्खलंताऽऽइच्चकिरणबाणाणं पि अभेज्जेहिं तंबूलीवणमंडवेहि सण्णाई पिव धरंत, तत्थ महातरूगं तलम्मि अल्ल-दुव्यंकुरासायणपसण्णहरिणबुंदेहिं किज्जमाणवग्गोलणं, चिरं सहयारफलासायणनिमग्ग-चंचुपुडेहिं जच्चवेरुलिएहिं पिव निरंतरेहिं सुगेहिं मंडियं, केयइ-चंपगाऽसोग-कलंब-बउलुब्भवेहि पवणुधुणिएहिं परागेहि यस्सल-सिलायलं, पहिय-सत्थ-अप्फालिज्जमाण-नालिएरीफलजलेण अभिओ पंकि१चेतयन् / 2 उत्तरीयम्-उपरितनवस्त्रम् / 3 फलगुच्छेषु / 4 सूचिमिषेण-शलिकाव्याजेन / 5 श्रीखण्डद्रववत्-चन्दनद्रववत् / 6 शाखामृग-लांगूलजटिलीकृतैः / 7 चिञ्चा-अम्लिकतरुः, प्लक्षः। 8 शैलःश्लेष्मनाशक्तरुः। 9 किंशुकः-पलाशः / 10 रोमन्थनम्-बागोलवू / 11 रजस्वल-रजोयुक्त /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |