________________ छट्टो उद्देसो इओ य सामिणो सीसो नियनामं पिव इक्कारसंगाणं भणिरो समणगुणेहि सहिओ निसग्गओ सुउमालो भरहपुत्तो मरीई जूहवइणा कलहो विव सामिणा सह विहरमाणो अण्णया गिम्हमज्झण्डसमए भीसण-रवि-किरणुक्रेहिं सुवण्णयारेहिं पिव अभिओ झामिएसु मग्गपंससु, अदंसणिजाहिं वण्डिजालाहिं पिव सव्वओ उण्हाहिं महावायरासीहिं खिलीभूएसुं मग्गेसुं आपाय-मत्थय-उन्भूय-सेय-धाराभरिए अग्गितत्तईसि-अल्लिधणसरिसे नियदेहे, जलसंसित्त-सुक्क-चम्मगंधव्व पस्सेय-किलिण्ण-वत्थ -देह-मलगंधे ‘य दूसहे निग्गए, पाएK डज्झभाणो तिण्हाए अक्तो "अवतवियपइम्मि नउलो विव पीडं सहमाणो मणसा एवं चिंतेइ--- मरीइणो वेसपरिवणं / केवलदसण-नाण-रवि-मयंक-मेरु-गिरि-सरिसस्स जगगुरुणो रिसहसामिणो ताव अहं पोत्तो म्हि अखंड छक्खंड-महीमंडल-महिंदस्स विवेगनिहिणो भरहेसरस्स पुत्तो म्हि, चउब्धिहसंघस्स समक्खं पहुणो य अंतियम्मि पंचमहव्यय-उच्चारपुव्वयं पञ्चज्जं गिण्हित्था, एवं समाणे इमाओ थाणाओ लज्जाए अवरुद्धस्स मज्झ समरंगणाओ वीरस्सेव गेहे गंतुं न जुज्जइ, महागिरि पिव दुव्वहं समरगुणभारं मुहत्तंपि वोढुं संपयं न सक्को म्हि, अओ इओ गिहगमणे कुलमालिण्णं इओ य वयं दुक्कर, ता इओ नई इओ संदलो हा ! संकड म्मि पडिओ म्हि / अदुवा आ जाणियं, इह विसमे वि संजममग्गे पव्वए दंडगपहो विव अयं खलु सुसमो मग्गो सिया-एए समणा हि मण-वयण-कायदंडेहिंतो विरया, अहं तु तेहिं विजिओ म्हि त्ति तिदंडिओ भविस्सामि / अमुणो साहयो सिर-केसलंचणि-दिय-निग्गई हि मुंडा हवन्ति, अहं पुणो खुरमुंड-सिहाधरो होहिस्सं / एए साहुणो थूल-सुहुम-पाणिवहाईहितो विरया संति, मम उ थूलपाणाइवायाइविरई हवेउ / एए हि अकिंचणा, मम सुवण्णमुद्दाई किंचण अत्थु, इमे उवाणहारहिया, अहं तु उवाणहाओ परिहिस्सामि / एए अट्ठारससीलंग-सहस्सेण अइसुगंधिणो, अहं तु सीलेण दुग्गंधी तेण चंदणाइयं गिहिस्सं / 1 ज्वलितेषु / 2 स्वेद / 3 अग्नितप्त-ईषदानॆन्धनमदृशे / 5 अवतप्तपथे / 5 पौत्रोऽस्मि / 6 शार्दूलो-व्याघ्रः / 7 उपानद्रहिताः / 24
