________________ 185 सिरिउसहनाहचरिप चयंति, अहो ! तं किं एयं ?, हुं चिरेण हि मए जाणिभं-को हि वयगरिहाणं कणिहाणं बंधूणं नमुक्कारं कुणेज्ज ति माणो चेव गेओ, तं माणगयं निब्भरं आरूढो म्हि तेण तिजगगुरुणो तस्स सामिणो चिरं सेवाकारगस्स वि मम जलंमि 'कुलीरस्स तरणं पित्र विवेगो न होत्था, जं पुव्वं पडिवण्णबएसु महप्पेसु नियमाजसुं एए कणि? त्ति चितिऊण मम तेसुं वंदणेच्छा न होत्था, इयाणि पि गंतूण ते महामुणिणो वंदिस्सं ति वियारिऊण स महसत्तो पायं उक्खेवइ, तइया तम्मि चिय पयम्मि लयाबल्लिम्ब सव्वओ घाइकम्मेसुं तुहिएK तस्स केवलनाणं उप्पज्जेई, अह सो उप्पण्णकेवलणाण दसणो सोम्मदंसणो ससी रविणो इव सामिणो अंतिगं गच्छेइ, तत्थ तित्थयरस्स पयक्खिणं काऊण तित्थं च नमंसिऊण जगवंदणिज्जो पुण्णपइण्णो अह सो बाहुबली महामुणी केवलिपरिसाए उअविसेइ पयक्खिणं तित्थवई विहाय, तित्थं नमित्ता य तिलोगपुज्जो / ' महामुणी केवलिणो सहाए तिण्णपइण्णो अह सो निसण्णो // 1 // नरवइबाहुबलिस्स वि संगामो संजमो य झाणं च / निक्कंपभावजुत्तं केवलनाणं च पंचमए // 2 // इअ सिरितवागच्छाहिवइ-सिरिकयबप्पमुहाणेगतित्थोद्धारग-सासणप्पहावग-आबालबंभयारिसूरीसरसेहरायरिय-विजयनेमिसूरीसरपट्टालंकार-समयण्णु-संतमुत्ति-बच्छल्लवारिहि आइरिय-विजयविण्णाणसूरीसरपट्टधर-सिद्धंतमहोदहि-पाइसभासाविसारय-विजयकत्थूरसूरिविरइए महापुरिसचरिए। पढमवग्गम्मि बाहुबलिसंगाम-पव्वजा- .. केवलणाणवण्णणरूवो पंचमो. उद्देसो सम्मत्तो। 1 गजः / 2 कर्कटस्य-करचलो /
