________________ पचमो उद्देसो एगया सहामन्झसंठियं भरहाहीसरं नमंसिऊण सुसेणसेणावई भासेइ-महाराय ! दिसाविजयं काऊणं पि तुम्ह इमं चक्करयणं अज्जावि मउम्मतो गओ आलाणथंभं पिव इमं नयरिं न पविसेइ / भरहराओ वि एवं वएइ-छक्खंडभरहखेत्तमज्झम्मि अज्ज वि को णाम वीरो मम आणं न पडिच्छेइ ? / तयच्चिय सइवो कहेइ'जाणामि अहं, देवेण चुल्लहिमवंतगिरिं जाव एवं भरहखित्तं निज्जियं, दिसाजतं. कुणंते वि तुमम्मि किं विजेयन्यो अवसिट्टो सिया ?, भमंत-घरट्टजंते पडिया चणगा किमु चिटुंति, तहवि नाह ! नयरीए अपविसंतं एयं चक्कं अज्ज वि जेयव्वं तुम्ह आणालंघणुम्मत्तं कंपि सूएइ ?, तुम्ह दुज्जयं जेयव्वं देवेसु वि न पासामि, अहवा अरे ! णायं, वीसदुज्जओ जेययो एगो अस्थि / सो सामि ! उसहसामिणो तणओ तुम्ह लहुभाया बलीणंपि बलविणासगो महाबलो बाहुबली अस्थि / जहा एगओ सव्वसत्थाई एगो वज्ज, तह एगओ सव्वं रायबुदं एगओ सो बाहुबली / जह तुम उसहसामिस्स नंदणो लोगुत्तरो सि तह सो वि अत्थि, तओ एयम्मि अजिए तुमए कि जियं ? छखंडभरहम्मि सामिणो सरिसो को वि न दिट्ठो, तस्स जए भरहनरिंदस्स को नाम उक्किट्ठगुणो अत्थु !, परंतु अयं बाहुबली जगमाणणिज्ज तुम्ह आणं न मण्णेइ, तस्स अजयाओ लज्जियं पिव चक्कं इह नयरं न पविसेइ / वाहीव लहू वि सत्तू न उवेक्खियब्बो, तओ लहुणा विलंबेण अलं, बाहुबलिस्स जयं पई 'जएह' / अह मंतिवयणं सोच्चा दावानलमेहबुट्ठीहिं गिरी विव सज्जो कोवुवसमेहिं आलिद्धो भरहेसरो इमं बवेइ-एगओ लहुबंधू वि आणं न अंगीकुणेइ इभ लज्जागरं, एगत्थ अणुयवंधुणा सह जुद्धं ति तं मम बाहेइ / जस्स सघरम्मि न आणा चलेइ, तस्स आणा बाहिरम्मि अवहासकरी सिया, तह य कणीयसबंधुणो अविणयासहणम्मि पवाओ / एगओ दरिआणं दप्पनासणं अयं रायधम्मो, इओ भायरम्मि मुबंधुत्तणं कायव्वं ति हा ! संकडम्मि पडिओ म्हि / अमच्चो वि एवं अभिहेइ-महाराय ! देवस्स जं संकडं तं भवंतस्स महत्तणेण सो चिय कणीयसो अव: 1 यतध्वम् / 2 आलिष्टः / 3 दृप्तानाम्-गर्विष्ठानाम् /
