Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 171

भरहभाऊणं दिक्खा। 147 एत्थ इंगालगारस्स दिहतो को वि इंगालगारगो जलस्स दिई आदाय निज्जलरणम्मि इंगाले काउं गच्छित्था, सो मज्झण्हाऽऽयवपोसिय-इंगालानलसंतावाओ संजायबहलतिसाए अक्कतो दिइगयसबजलं पिवित्था, तेणावि अच्छिण्णतिसो समाणो सुत्तो सो सुमिणम्मि गिहं गओ, तत्थ वि घड-कलस-गग्गरीगयसयलपय पासी, तज्जलेहिं पि अच्छिण्णतिहाए अग्गितेल्लमिव वावी-कूव-तलागाइं पाऊण पाऊण सोसित्था, तहच्चिय तिसिओ अह सो सरियाणं समुदस्स य जलं पिज्जित्था, तहवि नारगस्स वेयणा इव न य तस्स तिसा अवगया, तो सो मरुकूवम्मि गओ, तत्थ सो रज्जूहि दब्भपूलं बंधिऊण जलटुं कूवम्मि खिवित्था, 'दुहिओ हि किं न कुणेज्ज ?' / कूवस्स दूरजलत्तणेण मज्झे वि गलियंबुयं तं दब्भपूलयं दमगो तेल्ल-पोयं पिव निच्चोइऊण पिवित्था / जा तिसा समुदाईहिं न च्छिण्णा सा पूलजलेण कहं छिज्जइ ?, तहेव तुम्हाणं सग्गसुहेहिं अच्छिण्णतिसा सा रज्जसिरीए किमु छिदिज्जइ ? / तओ वच्छा ! विवेगवंताणं तुम्हाणं अमंदाणंदनीसंदनिव्वाणपयसंपत्तिकारणं संजमरज्ज घेत्तुं जुज्जइ, / तओ तयाणि समुप्पण्णसंवेगवेगा ते अट्ठाणउई पुत्ता भगवंतस्स अंतियम्मि पवज्जं गिहिसु / तओ ते दुआ 'अहो ! धीरिमा, अहो ! सत्तं, अहो ! वेरग्गबुद्धि' ति चिंतमाणा एएसिं सरूवं भरहनरिंदस्स निवेएइरे / भरहचक्कवट्टी वि तारीवई तारगाणं जोईणिव्व, दिणयरो पावगाणं तेयाणीव, वारिही सोआणं जलाई पिव तेसिं रज्जाइं गिण्हेइ। ... चक्कस्स लाहो विजओ दिसाए, रज्जाभिसेगो भरहस्स रणो / भाऊण दिक्खापरिकित्तणं च, उद्देसगे वुत्तमिहं चउत्थे // इअ सिरितवागच्छाहिवइ-सिरिकयंबपमुहाणेगतित्थोद्धारग-सासणप्पहावग-आबालबंभयारि-सूरीसरसेहर--आयारियविजयनेमिसूरीसरपट्टालंकार-समयण्णु-संतमुत्ति-वच्छल्लवारिहि-आइरिय-विजयविन्नाणसूरीसरपट्टधर-सिद्धंतमहोदहि-पाइअभासाविसायर-विजयकत्थूरसूरिविरइए महापुरिसचरिए पढ़मवग्गम्मि भरहचक्कुप्पत्ति-दिसाविजय रज्जाभिसेग-भाउवयग्गहणसरूवो चउत्थो उद्देसो / 1 दृतिः मशक / 2 अशोषयत् / 3 निश्चोत्य-नयापान / 4 तारापतिः चन्द्रः / 5 ज्योतींषि / 6 स्रोतसां प्रवाहाणाम् /