Page Text
________________ 146 सिरिउसहनाहचरिए मिन्मइ, तुमम्मि भती महाफलदाइणी सिया। देवेस ! दुक्खदावग्गितवियाणं तुम इक्कवारिओ, मोहंधयारमूढाणं तुम चिय एक्कदीवो असि / पहमि छायादुमो इव दीणाणं सिरिमंताणं मुक्खाणं गुणवंताणं पि य तुमं साहारणुवयारो' इअ भयवंतं थुणिऊण भमरुव्व सामि-पायारविंदेसु निवेसिअनयणा अह एगीभूआ ते एवं विष्णवेइरे-'तयाणि तायपाएहिं पिहं पिहं देसरज्जाइं विभइऊण जहारिहं अम्हाणं भरइस्स य दिण्णाई / जगदीसर ! तेहिं चिय रज्जेहिं संतुहा अम्हे संचिट्ठामो, सामिदंसिया मज्जाया हि विणयसंपण्णाण अलंघणिज्जा होइ। किंतु भयवं ! भरहेसरो नियरज्जेणं अवहरिएहिं च अण्णरज्जेहिं जलेहिं वडवाणलो इव न संतूसेइ / जह तेण अण्णेसि पुढविवईणं रज्जाई अवहरियाई तह सो भरहो अम्हाणं पि रज्जाइं अवहरिउं इच्छइ, एसो अवरनरिंदाणं विव अम्हाणं पि दूअपुरिसेहिं 'सिग्धं रज्जाई. चइ-.. जंतु सेवा वा मम किज्जउ' ति आदिसेइ, अप्पबहुमाणिणो तस्स वयणमेत्तेण तायदिण्णाई रज्जाई अम्हे कीवा विव कहं मुंचामो ?, अहिगरिद्धीसुं निरीहा अम्हे तस्स से पि कहं कुणेमो ?, असंतुट्ठा एव माणविघाइणि सेवं कुणेइरे, रज्ज अमुंचमाणे सेवाए य अकरणे सयं जुद्धं उवडियं, तह वि तायपाए अणापुच्छिऊण न किंचि काउं तरामो' / तो निम्मलकेवलनाणसंकेतासेसभुवणो किवावंतो भयवं सिरिआइणाहो ताणं एवं आदिसेइभरहभाऊणं पहुणो उवएसो, तेसिं च दिक्खा वच्छा ! पुरिसबयधारिपुरिसवीरेहिं हि अच्चंत-दोहकारिणा वेरिवग्गेण सह जुझियव्वं, पुरिसाणं जम्मंतरसएमु वि रागदेसमोहकसाय नि अणिढदाइणो सत्तवो संति, रागो हि जीवाणं सुगइगमणे लोहमइयपायसंकला, दोसो य नरगावासनिवासम्मि बलवंतो पर्डिंभू,मोहो नराणं भवण्णवावदृपक्खेवणम्मि पणसरिसो, कसाया अग्गिणो विव नियासए चिय डहेइरे, तो दोसरहिएहिं तेहिं तेहिं उवायसत्थेहिं निरंतरं जुझिऊण जुझिऊण एए वेरिणो नरेहिं विजेयव्या, इक्कसरण्णभूयस्स धम्मस्स चेव सेवणं हि विहेयव्वं जेण सासयाणंदमइयं तं पयं सुलहं सिया / अणेगजीवजोणिसंपायाऽणतबाहानिबंधणं अहिमाणिक्कफला इमा रज्जसिरी सा वि 'विणसिरी, किं च वच्छा ! पुन्चभवेसुं तुम्हाणं देवलोगसुहेहिं जा तिण्हा न छिण्णा, सा इंगालकारगस्सेव मच्चभोगेहिकहं छिदेज्जा ? / 1 एकवारिदः / 2 क्लीबाः=नपुंसका इव / 3 द्वेषः / 4 प्रतिभूः-प्रतिनिधिः / 5 निजाश्रयान् / 6 विनश्वरी /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |