Page Text
________________ भरहस्स बाहुबलि पइ दृअपेसणं / 149 णेस्सइ, जओ 'जिह्रण आणा देया, कणीयसेण सा कायव्वा' अयं आयारो साहारणगिहवईणं पि रूढो एव, तओ देवो वि लोगरूढमग्गेण संदेसहारगं दूअं पेसिऊण कणीयसस्स भाउणो आणं कुणेउ, देव ! वीरमाणी तव अणुओ केसरी पल्लाणं पिव सव्वजगमाणणिज्जं तुम्ह आणं जइ न सहिस्सए, तया इंदुव्ब पबलसासणो तुम तं कणीयसं भायरं पसासेज्जा, एवं लोगायारस्स अणइक्कमाओ लोगे तुम्ह वि अववाओ न सिया / भरहनरिंदो तस्स वयणं तहत्ति पडिवज्जेइ, जओ सत्थलोग-चवहाराणुसारिणी वाणी उवादेया / भरहस्स बाहुबलिं पइ दूअपेसणं तओ सो नीइकुसलं वायालं दर्द सुवेगं नाम दूअं अणुसासित्ता बाहुबलिं पइ पेसेइ / सो सुवेगो सोहणं सामिसिक्खं समायाय रहं आरोहिऊण तक्खसिलं पइ चलेइ / सार-सइण्णपरीवारो सो अइवेगवंतरहेण अउज्झानयरीए बाहिरं निगच्छेइ, गच्छंतस्स तस्स पहम्मि कज्जारंभविहिम्मि दइव्वं पडिऊलं पासंतमिव वाम लोयणं असई फंदेइ, वन्हिमंडलमज्झम्मि सुवण्णगारस्सेव तस्स दाहिणा नाली रोगाभावेऽपि पुणरुगं वहेइ, खलंतगिराणं असंजुत्तवण्णेसु वि जीहा विव समेसु वि मग्गेसु तस्स रहो मुहं खलेइ, आसवारेहिं वारिज्जमाणो वि असई पेरिज्जमाणो विव हरिणो तस्स पुरओ दाहिणाओ वामओ जाइ, तस्स अग्गम्मि सुक्ककंटगदुमम्मि निविट्ठो कागो उवले सत्थं पिव चंचु घरिसंतो कडुयं रसेइ, तस्स वाहणस्स रुंधणेच्छाए देव्वेण मज्झे छुढा अग्गला इव तस्स पुरओ पलंबिरो किण्हपण्णगो उत्तरेइ, वियारिक्क-विउसं तं पच्छा पल्लसंतो विव चक्खूसुं रयं पक्खिवंतो वाऊ पडिऊलो वायइ, पप्फुडिय मिअंगविरससरो रासहो तस्स दाहिणओ होऊण विरसेइ / सुवेगो एयाई अवसउणाइं जाणंतो वि अग्गओ गच्छइ / सामिणो हि सुभिच्चा कंडुन्च कत्थ वि न पक्खलंति / सो चक्कवाओ विव तेहिं तेहिं नयरवासीहिं खणं दीसमाणो बहुए गाम-नयरागर-कब्बडे लंघेइ / सामिकज्जम्मि पवडिओ सो वणखंडसरोवर-सिंधुनइप्पमुहठाणेसु वि न वीसमेइ / एवं सो पयाणं कुणंतो मच्चुणो एगंतकीला-भूमिमिव महाडविं पावइ, सा केरिसी ? रक्खसेहिं पिव मिअ-चम्म-वसणधरेहि लक्खीकयकुंजरेहिं सज्जियकोदंडेहिं चिलाएहि आउला, हरिण 1 पर्याणम्-पलाण / 2 असकृत् / 3 वारंवारम् / 4 क्षिप्ता / 5 पर्यस्यन्निव / 6 मृदङ्ग / - 7 चक्रवातः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |