Page Text
________________ 139 भरहस्स महारज्जाभिसेओ / मंगलाई सो पत्थियो नियभइणीणं विव अंगीकरेइ, दटुं इच्छमाणे परुप्परसंघरिसणपीलिज्जमाणे समीवहिए जणे उक्खित्ताऽभयपयकरो भूवई वेत्तिअजणेहितो रक्खेइ, एवं गच्छंतो भूमिपालो रायमंदिरग्गभूमीए उभयपासओ उच्चएहिं निबद्धमत्तगयवरेहि रज्जसिरीकीलागिरीहिं पिव अइबंधुरं, इंदनीलमइयगीवाभरणेणेव मणोहारिमायंद-दल पुण्णेण तोरणेण विभूसिअं, कत्थई मुत्तागणेहिं कत्थइ कप्पूरचण्णेहिं कत्थइ चंदकंतमणीहिं कय-सत्थियमंगलं, कत्य य चीणंसुएहिं कत्थ य दुऊलवसणेहिं कत्थ वि देवदूसेहिं पि पडागापंतिपरिमंडियं, अंगगंमि कत्थइ कप्पूरपाणीएहिं कत्थ य पुप्फरसेहिं कत्थ वि गयमयजलेहिं कयाभिसेयणं, सुवण्णकलस-मिसाओ वीसंतरविमिव सत्तभूमियंच पिउसंतिय-महापासायं आसाएइ / तो तस्स पासायस्स अंगण-ग्ग-वेइगाए पायं निवेसिंतो वेत्तियदिण्णहत्थो नरिंदो गयवराओ उत्तरिणं पुव्वं आयरिओ इव सोलससहस्साई ताओ नियाऽहिवायगदेवयाओ संपूइऊण विसज्जेइ / तओ सो बत्तीसं रायवरसहस्साई चमूवई पुरोहियं गिहवई वड्ढई च विसज्जए, पुणो सो भूवई तेसहिअहिगतिसयाई मूए मयंगए आगालाय विव दिट्ठीए नियहाणगमणाय आदिसेइ, तह महूसवसमत्तीए अतिहिणो विव सेट्ठिणो अट्ठारस सेढीपसेढीओ य दुग्गपालगे य सत्थवाहे वि विसज्जइ / तओ सो भूमिवालो सको सईए इव सुभदाए इत्थीरयणेण सहिओ तह रायकुलजायाणं च पवरजुबईणं बत्तीस-सहस्सेहि तावइआहिं जणवयवइकण्णाहिं बत्तीसपत्तजुत्तबत्तीसनाडगेहिं पि परिवरिओ जक्खराओ कइलासमिव मणिरयणसिलापंतिदिण्णनयणूसवं पासायं पविसेइ / तत्थ य नरिंदो सीहासणंमि पुनमुहो खणं ठाऊण काओवि संकहाओ काऊण सिणाण-निएयणं वच्चइ, तत्थ भरहनरीसरो सरम्मि गो विव सिणाणं किच्चा परिवारेहिं समं सरसाहारभोयणं कुणेइ, तो तेहिं नवरस-वरनाडएहिं मणोरमेहिं च संगीएहिं जोगेहिं जोगीव कंपि कालं नयइ / एगया सुरनरा भत्तीए तं इअ विण्णविति-सकसमपरकम ! महाराय ! तुमए विजाहरनरिंदसहिया एसा छखंडभूमी साहिआ, तओ अम्हे अणुजाणेसु जह तुम्ह महारज्जाभिसेयं सच्छंदं कुणेमो। भरहस्स महारज्जाभिसेओ. रणा तहत्ति इअ अणुण्णाया ते देवा नयरीए बाहिरं सुहम्मसहाए खंडमिव पुव्वुत्तरदिसाए मंडवं विहेइरे, तो ते दह-नई-समुद-तित्थेहितो जलोसहि-मट्टिआओ 1 माकन्दः-आम्रः / 2 विश्रान्तादित्यमिव / 3 सूदान रसवतीकारान् / " श्रेणी-प्रश्रेणयः=नव मालाकारादिजातयो नव तैलिकादिजातय इति अष्टादश /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |