Page Text
________________ 140 सिरिउसहनाहचरिए आहरंति / भरहमहाराया पोसहसालाए गंतूण अहमतवं कुणेइ, 'जओ तवसा पत्तंपि रज्जं तवेण च्चिय नंदइ', अट्ठमतवंसि पुण्णे अंतेउरेण परिवरिओ परिवारजुओ मयंगयारूढो राया तं दिव्वमंडवं. गच्छइ, अंतउरेण सहस्ससंखनाडएहिं च सह भरहो उष्णयमभिसेयमंडवं पविसेइ, सो तत्थ सिणाणपीढं मणिमइयसीहासणं च आइच्चो मेरुगिरिमिव पयाहिणं कुणेइ, तो पुव्वसोवाणपंतीए अच्चुच्चं सिणाणपीढं गयंदो गिरिसिहरमिव आरोहेइ, तो तत्थ रयणसीहासणंमि पुव्वदिसाभिमुहो भरहेसरो उवविसेइ, तया केइवया इव ते बत्तीससहस्साई नरिंदा उत्तरसोवाणमग्गेण सुहेण पीढमारोहेइरे, ते भूवा चक्कवटिणो नाइदरपुढवीए भद्दासणेसुं कयंजलिपुडा तित्थयरं वदारवो इव चिटुंति, तो सेणावइ-गिहवइ-वड्ढइ-पुरोहिय-सेहिप्पमुहा वि दाहिणसोवाणमालाए पीढं आरोहिऊण जहक्कम निय-निय-उइयासणेसु समासीणा महारायं विण्णत्तिं काउं इच्छंता इवनिबद्धंजलिपुडा चिट्ठति / तओ भरहचक्कवहिणो धम्मचक्कवादियो उसहसामिणो इंदा विव ते आभियोगियदेवा अभिसेयनिमित्तं समागच्छति / जलगम्भिएहि मेहेहिं पित्र, वयणणसियकमलेहि चकवाएहिं विव, पडतपाणियनाएण तुरियनायाणुवाईहिं साहाविय-वेउव्विय-रयणकलसेहिं ते देवा चक्कवटिस्स अभिसेअं कुणंति / तओ मुहमुहुत्तम्मि ते बत्तीसरायवरसहस्सा हरिसेण नियनयहिं पिव निस्सरंतबहलजलकलसेहिं भरहनरवई अभिसिंचेइरे, तो ते मत्थयम्मि पउमकोससहोयरनिबद्धंजलिणो चक्कवहि वड्ढावेइरे-तुम जयसु विजयसु य / अवरे सेणावइसेहिपमुहा जलेहिं तं अभिसिंचंति जलेहिं पिव निम्मलवयणेहिं अहिथुणेइरे, अह ते उज्जल-पम्हल-सुउमारगंधकसाइयवसणेण माणिक्कमिव तस्स अंगं लुहंति / पुणो ते कंति पोसगैरगेरिएहिं कंचणं पिव राइणो अंगं गोसीसचंदणरसेहिं विलिविंति, तो उसहसामिणो सक्कदिएणं मउडं मुद्धाऽभिसित्तस्स राय-अग्गेसरस्स भरहनरिंदस्स मुद्धम्मि ते निहेइरे, मुहचंदस्स समीवद्विय-चित्ता-साइणो इव रयणकुंडले रणो कण्णेसु पहिराविति, तस्स कंठम्मि पवित्तमोत्तियगंठिय-हारं ठविन्ति, निवस्स वच्छत्थले अलंकाररायस्स हारस्स युवरायं पिव अद्धहारं ते निवेसिन्ति, अभंतर-अब्भयपुडमयाइं विव निम्मलकंतिरेहिराई देवसाई वसणाई रण्णो ते पहिरावेइरे, निवइणो कंठकंदले सिरीए उरत्थलमंदिरकिरणमइयवप्पं पिव उद्दामं सुमणोदामं ते पक्खि विन्ति, एवं कप्पदुमो इव अणग्धवत्थमणि-माणिकाभरणभूसिओ भूवई सग्गखडं पिव तं मंडवं विभूसेइ, तओ सो सव्वपुरिसप्पहाणो धीमंतो भरहनरिंदो वेत्तियपुरिसेहिं अहियारिपुरिसे बोल्लाविऊण एवं आदिसेइ-भो ! तुम्हे गयखधं आरोहिऊण समंतओ पइपहं च परिभमिऊण इमं विणीया 1 कतिपयाः / 2 वन्दारवः-वन्दनकर्तारः। 3 गैरिकैः-गेरु वडे / 4 अभ्रकम्-अबरख। '
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |