Page Text
________________ अणाइनिहणम्मि एयम्मि जगम्मि पउरपुण्णोदएण सुलद्धमणुअभवा संखाईया पाणिणो अज्झप्पुन्नइपयं पाविआ / एएसि पुरिसुत्तमाणं सब्भूयकित्तणाई जिणागमेसु अणेगठाणेसु विहियाई / तेसिं च निदेसो सत्थेसु महापुरिस-सलागापुरिसाभिहाणेण निदंसिज्जइ / . ___ इह भरहखेत्तम्मि पत्तेगं ओसप्पिणीए तह उस्सप्पिणीए तिसट्ठी तिसट्ठी सलागापुरिसाणं गणणा किंज्जइ, इमीए वट्टमाणकालहुंडावसप्पिणीए चउव्वीसं तित्थयरा, दुवालस चक्कवट्टिणो, नव वासुदेवा, नव बलदेवा, नव पडिवासुदेवा इअ तिसट्ठी सलागापुरिसा संजाया / सिरिसीलंकायरिए नवपडिवासुदेवाणं निदेसं अकिच्चा महापुरिसाणं 'चउप्पण्णं गणणा साहिया अस्थि / तहिं च जौवाणं संखा सट्ठी अस्थि, जओ सोलसइम-सत्तरसइम-अट्ठारसइमतित्थयरा एयम्मि भवम्मि च्चिय तित्थयरा चक्कवट्टिणो वि संजाया, भिण्णभिण्णभवाविक्खाए जो चिय तिवुवासुदेवो सच्चिय कालंतरम्मि सिरिमहावीरसामी नामेणं चउव्वीसइमो तित्थयरो जाओ, तेण तयविक्खाए एगूणसट्ठी सलागापुरिसा गणिज्जंति / __ एएसिं सलागापुरिसाणं गुणाणं उक्कित्तणं पुवकालम्मि पुव्वाणुयोगम्मि आसी / मज्जयणसमए सो न लहिज्जइ / अहुणा उ सलागापुरिसवण्णणविसया गंथा इमे संति / 1 चउप्पण्णमहापुरिसचरियं, 2 कहावली सिरिभद्देसरसरिविरइया. 3 हेमतिसट्ठी, 4 उवज्झायमेहविजयगणिविरइया लहुतिसट्ठी। अन्नं च दिगंबरीयमयम्मि महापुरिसवण्णणविसया कईई गंथा संति, जे इमे 1 सिरिनिणसेणायरिएण आइपुराणदुवारेण महापुरिसचरियं पारद्धं, तस्स य सीसेण गुण भदेण उत्तरपुराणरूवेण संपुण्णं विहियं / 2 पुप्फदंतविहियं तिसद्विमहापुरिसालंकार किं वा महापुराणं / कलिकालसव्वण्णुसिरिहेमचंदपहुणा सक्कयभासाए तिसद्विसलागापुरिसचरियं छत्तीससहस्ससिलोगसंखपमाणं विरइयं अस्थि / तं च दससु पव्वेसु विभइयं तहिं च पढमपव्वम्मि छ सग्गा संति / एवं इहयं पि पत्थुयचरियं पढमपश्वस्स पाइयभासाए रूवंतरं अस्थि / इहावि पव्वस्स ठाणम्मि वग्गो तह य सग्गस्स ठाणम्मि उद्देसो एरिसं नामं ठवियं / अहिगारा देवाहिदेव-पढमसिरिउसहणाहस्स तेरस भवा संति / तत्थ पढमोदेसम्मि दुवालस भवा / तह बीय-उद्देसाओ चरिम-छठुइसे जाव तेरसमो अंतिमभवो वण्णिओ अस्थि / 1 समवायसुते-पडिवासुदेवस्य निहेस्रो न विहिओं, तेण तत्थ चठप्पन्नं (54) संखा कहिया /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |